Барлык яңалыклар
Сәламәтлек саклау
28 июль 2021, 13:15

Сак булсагыз, сәламәт булырсыз!

Башкортстан Башлыгы Радий Хәбиров коронавирус таралу куркынычы белән бәйле рәвештә югары әзерлек режимы турындагы Указга үзгәрешләр кертте.

Сак булсагыз, сәламәт булырсыз!
Документның яңа редакциясе нигезендә җәмәгать туклануы, театрлар, кинозаллар, мәдәният сарайлары, матурлык, массаж салоннары, солярийлар, физкультура-сәламәтләндерү комплекслары, бассейннар һәм фитнес-клублар, шифаханә-курорт оешмаларына бару, шулай ук студентлар тулай торакларына урнашу, шәһәрара пассажирлар ташу һәм «Орлан» шәһәр яны поездында бару өчен прививка турында белешмә (сертификат) яки ПЦР-тест таләп ителми.

Вакциналану турында белешмә яисә ПЦР-тестның тискәре нәтиҗәсе булу таләбе музейларда һәм төнге клубларда булганда, шулай ук ябык биналарда киңкүләм физкультура һәм спорт чаралары үткәргәндә саклана.

2021 елның 3 августыннан башлап, планлы госпитальләштерелү вакытында медицина оешмаларына, халыкка COVID-19га каршы вакциналану турында мәгълүмат бирергә тәкъдим ителде.

Катнашучылар саны 500дән артык булган мәдәният һәм мәгариф оешмаларында үткәрелә торган чаралардан тыш, киңкүләм чаралар, Русия баш санитария табибының 2021 елның 7 июлендәге 18 санлы карары нигезендә, Башкортстанның Баш дәүләт санитар табибы белән килешенгәннән соң үткәреләчәк. Атап үтелгән карар шулай ук Премьер-лига клублары, Континенталь хоккей лигасы матчлары, профессиональ спорт командалары арасында Русия чемпионатларының башка матчлары, шулай ук башка рәсми ярышлар һәм спорт чаралары уздыруга да кагыла.

Фото: glavarb.ru


Автор:Резида Валитова