“Нурания Миңнебаева — Мәчетле районының Тәкә авылындагы менә шушы фельдшер-акушерлык пунктының хуҗабикәсе. Ул - тәҗрибәле медик, урындагы кешеләрнең сәламәтлек сагында 36 ел тора. Элек ул иске, авария хәлендәге бинада кабул итә иде, ә хәзер пациентларын яңа, заманча модульдә каршылый.
Яңа ФАПта фельдшер кабинеты, прививка ясау, процедуралар, тикшеренү бүлмәләре бар. Җиһазландыру да яхшы — биредә беренчел медик-санитар һәм ашыгыч ярдәм күрсәтелә, анализлар тапшырырга була. Һәркемгә уңайлы.
Мондый ФАПлар Мәчетле районында җиде. Искеләрне сүтеп, яңаларны төзедек.
Барлыгы республикада быел 81 фельдшер-акушерлык пункты төзибез. Бу кешеләр медицина ярдәме артыннан еракка бармасын, чиратларда утырмасын, оператив һәм сыйфатлы медицина ярдәмен яшәгән урынында алу мөмкинлеге булсын өчен эшләнә.
Фото: https://vk.com/wall413272232_699526