Барлык яңалыклар
Сәламәтлек саклау
28 сентябрь , 14:05

Мобиль вакциналау пунктлары кыскартыла

Башкортстанда коронавирустан мобиль вакциналау пунктлары вакытлыча кыскартылды. Сәбәбе — вакциналау темпларының түбәнәюе, ковид һәм респиратор-вируслы инфекцияләр белән авыручылар арту сәбәпле, медицина персоналын амбулатор звеноны көчәйтүгә юнәлтү.

Мобиль вакциналау пунктлары кыскартыла

Бүгеннән Уфада өч мобиль вакциналау пункты гына эшен дәвам итә — «Торатау» Конгресс холлында (9-19 сәгатьләрдә), "Башкирия-Лайфстайл" үзәгендә (13-19 сәгатьләрдә) һәм «Планета» сәүдә үзәгендә (13-19 сәгатьләрдә).

Шуны да искәртергә кирәк: авырып, катлаулыклар белән көрәшкәнче, инфекцияне кисәтү яхшырак. Вакциналау социаль әһәмиятле инфекцияләрне кисәтү һәм аларны контрольда тоту буенча иң нәтиҗәле чара булып тора.

Бүгенге көндә республикага коронавирус таралуны кисәтү өчен 1 759 308 вакцина дозасы кайтартылган. 1нче компонент белән 1 273 747 кеше вакциналанган (кайтартылган вакциналарның 72,1 проценты). Вакциналануны тулысынча төгәлләүчеләр - 1 165 720 кеше (1 этаптан 91,5 процент). Тәүлек эчендә 3 334 кеше вакцина ясаткан (1нче компонентны — 1 320, 2нче компонентны 2 014).

Мобиль пунктларда вакциналау «тере чират» тәртибендә уза, Covid-19 прививкасына язылу дәваханәләрдә башкарыла. Вакциналауга берничә юл белән язылырга мөмкин:- “Дәүләт хезмәтләре” порталы аша .https://www.gosuslugi.ru/;- колл-үзәкнең бердәм телефоны буенча —122;- дәваханәнең регистратурасы аша — шәхсән мөрәҗәгать итеп, яки телефон аша.Поликлиникаларда прививкалар ясау кабинетларының эш режимы 8:00дән 20:00 сәгатькә кадәр, тәнәфессез һәм ялларсыз.

Вакциналау һәм коронавирус инфекциясе мәсьәләләре буенча "кайнар элемтә" телефоннары:- Башкортостан Республикасының Ковидка каршы ситуацион үзәге — 8 (347) 218-19-19;коронавирус инфекциясе мәсьәләләре буенча — 8 (347) 286-58-27; 8 (347) 279-91-20 (күпканаллы тәүлек буе эшли торган); 122. Шалтырату бушлай.

Фото: ufa.bezformata.com

Автор:Ләйсән Якупова