-24 °С
Болытлы
Гәзиткә язылуVKOKTelegram
Барлык яңалыклар
Сәламәтлек саклау
16 ноябрь 2021, 07:55

Кунакханәләргә урнашу өчен вакциналану мотлак

Башкортстанда 1 декабрьдән кунакханәләргә COVID-19га каршы вакциналау турында сертификат, алты ай эчендә коронавирус кичерү турында белешмә яки ПЦР-тестның тискәре нәтиҗәсе белән бергә прививкага каршы медицина күрсәтмәләре булу турында белешмә булганда гына урнашырга мөмкин булачак.

Кунакханәләргә урнашу өчен вакциналану мотлак
Кунакханәләргә урнашу өчен вакциналану мотлак
Башкортстан Башлыгы Радий Хәбиров үткәргән коронавирус инфекциясе таралуга юл куймау буенча оператив штаб утырышында әнә шундый карар кабул ителде.

Республиканың баш санитар табибы Анна Казак кунакханә өлкәсенә вакциналанмаган халык өчен чикләү чараларын кертү башлангычы белән чыкты. Ул билгеләп үткәнчә, тау чаңгысында шуу сезонында Башкортстан кунакханәләре һәм турбазалары популярлык казана. Аларга бөтен Русиядән туристлар килә. Шул ук вакытта кунакханәләргә килүчеләргә тиешле документлар булу турында таләпләр кагылмый.

Радий Хәбиров бу тәкъдимне хуплады һәм коронавирус таралу хәвефе белән бәйле рәвештә югары әзерлек режимы турындагы указга тиешле үзгәрешләр кертергә кушты.

Фото:glavarb.ru

 

Автор:Резеда Галикәева
Читайте нас в