Өлкәннәр турында хәстәрлек күрелә

Башкортстанда 65 яшьтән өлкәннәр өчен махсуслаштырылган пунктларында 9 меңгә якын кеше прививка ясаткан.

Башкортстанда «Бердәм Русия» партиясенең «Өлкәннәр турында хәстәрлек» акциясе кысаларында 65 яшьтән өлкән гражданнар өчен вакциналауның махсус пунктлары эшли. Коронавирус пандемиясе чигенми, шул ук вакытта нәкъ менә өлкән яшьтәге кешеләр аеруча хәвеф төркемендә. Аерым пунктларны булдыруның төп максаты — өлкән яшьтәге гражданнарга прививкаларны мөмкин кадәр уңайлы һәм хәвефсез ясау мөмкинлеген тәэмин итү.

Бүгенге көндә коронавирустан вакцина ясатуның махсус пунктлары республиканың һәр шәһәрендә һәм районында диярлек ачылды. Бу чорда пунктларда 65 яшьтән өлкәнрәк 8920 кеше прививка ясаткан. Салаватта, мәсәлән, 662 пенсионер прививка ясаткан. Әлеге пункт «Аструм» сәүдә үзәгендә урнашкан һәм көн саен 8.00дән 20.00 сәгатькә кадәр эшли. Өлкән буын кешеләре өчен, вакциналаудан тыш, күз һәм артериаль кан басымын да үлчиләр, атна саен «Сәламәтлек посылкалары», «Сәламәтлек пакеты» бүләк итәләр һәм тонометрлар уйнаталар.

Уфада "Сәламәт пәнҗешәмбе» акциясе кысаларында пункт эшенә зур өлеш керткән активистларны билгеләп үттеләр.
«Бүген без әлеге акцияне тормышка ашырырга ярдәм иткән һәм өлкәннәрне вакциналау өчен уңайлы шартлар булдырган кешеләрне хөрмәтлибез. Беренче чиратта, бу - Уфа шәһәренең 1нче поликлиникасы медиклары. Алар пунктка мөмкинлекләре чикле кешеләрне, пункт эшчәнлегендә турыдан-туры катнашучы волонтерларны, бу эштә ярдәм күрсәткән автоволонтерларны кабул иттеләр, - дип билгеләп үтте "Бердәм Русия" партиясенең төбәк башкарма комитеты җитәкчесе Рөстәм Әхмәдинуров. - Минемчә, без бу эшне алга таба да дәвам итәчәкбез, чөнки өлкән буын турында кайгырту мөһим, бигрәк тә коронавирус шартларында өлкән яшьтәге гражданнар аеруча хәвеф төркемендә».

Уфаның 1нче поликлиникасының баш шәфкать туташы Марина Мамаева махсуслаштырылган пунктлар булдыру кирәклеге турында билгеләп үтте. «Бу пунктта безнең поликлиниканың, оештыручыларның, волонтерларның көйле һәм бердәм командасы эшләде. Барлык өлкәннәр дә канәгать калды, һәркайсына тиешле игътибар бирелде, – дип уртаклашты Марина Мамаева. - Мондый пунктлар күбрәк булырга тиеш дип саныйм».

Вакциналауга язылу һәм якындагы пунктның адресын белү өчен өлкән яшьтәге гражданнар «Бердәм Русия» партиясенең «Безнең хәстәрлек» колл-үзәге аша эш көннәрендә 9.00дән 18.00 сәгатькә кадәр бушлай 8-800-201-89-03 номеры буенча мөрәҗәгать итә ала.