+21 °С
Болытлы
Сәламәтлек саклау
28 декабрь 2021, 10:45
Ялларда медицина ярдәме өзлексез күрсәтеләчәк!
Яңа 2022 ел инде бик тиздән килеп җитәчәк. Алда Башкортстан халкын 31 декабрьдән 9 гыйнварга кадәр озын 10 көнлек яллар көтә. Күпләрне бәйрәмнәрдә медицина учреждениеләренең ничек эшләве кызыксындыра.
Бүген Башкортстан белән идарә итү үзәге эфирында БСТ телеканалының “Сәлам” тапшыруында без бу хакта республиканың сәламәтлек саклау министры урынбасары Ирина Кононова белән сөйләштек.
Яңа ел бәйрәмнәрендә республика дәваханәләренең эш графигы:- 31 декабрьдә 08:00дән 17: 00гә кадәр, чакыруларны кабул итү 16:00гә кадәр;- 1 һәм 3-8 гыйнварларда - 08:00 сәгатьтән 17:00гә кадәр, чакыруларны кабул итү 16:00гә кадәр.- 2 һәм 9 гыйнварда ашыгыч ярдәм хезмәтләре шулай ук 16:00гә кадәр чакырулар кабул итә.
Поликлиникаларда коронавирустан прививканы 31 декабрьдә һәм 2-9 гыйнварда 8:00дән 20:00гә кадәр ясатырга була. Уфаның "Планета" сәүдә үзәгендә, "Башкирия" лайфстайл-үзәгендә һәм "Карусель" гипермаркетында мобиль вакциналау пунктлары гыйнвар каникулларында 13:00дән 19:00гә кадәр эшли.
Яңа ел бәйрәмнәрендә тар белгечләргә (стоматолог, офтальмолог) язылу, шулай ук травмпунктлар, стационарлар һәм даруханәләр эшчәнлеге турында тулырак мәгълүматны видеодан карагыз.
