Барлык яңалыклар
Сәламәтлек саклау
9 гыйнвар , 15:48

Ковид акрынлап булса да чигенә

Башкортстанда коронавирус йоктыручыларның гомум саны 123 837гә җитте. Тәүлек эчендә тагын 214 якташыбызда инфекция ачыкланды.

Ковид акрынлап булса да чигенә

Әле республика дәваханәләрендә 77 кеше коронавирустан дәвалана, алар арасында 54 пациент 60 яшьтән өлкән. 19 кеше авыр хәлдә, бер кеше дә үпкәләрне ясалма җилләтү аппаратына тоташтырылмаган. 4 836 кеше амбулатор дәвалана, алар арасында 3 779 пациент 60 яшьне үткән.

Тәүлек эчендә 334 кеше коронавирустан савыккан. Барлыгы савыгучылар саны – 114 424. Ләкин тагын 12 якташыбыз COVID-19 корбаны булды. Корбаннар саны 4 500гә җитте. Аларның 3 956сы 60 яшьне узган булган. 14 кешегә "пневмония" диагнозы куелган, 78 кеше аннан савыккан.

План буенча республикада Covid-19дан 2 484 667 кеше вакциналанырга тиеш (өлкәннәр саны - 3 105 836). Республикага 2 914 858 доза вакцина кайтарылган. Беренче компонент белән 2 204 704 кеше вакциналанган. 2 073 572 кеше вакциналануны тулысынча төгәлләде. Ревакциналанган гражданнар саны 211 891 кеше тәшкил итә.

Бер тәүлектә 4 162 кеше прививка ясаткан (беренче компонент белән - 1 985, икенче компонент белән - 2 177 кеше).

60 яшьтән өлкәннәр саны - 890 387. Аларның 578 446сы беренче компонент белән вакциналанган, ике компонентны да 540 678 кеше алган.

Автор:Энҗе Садертдинова