Барлык яңалыклар
Сәламәтлек саклау
10 гыйнвар , 17:25

Җиңелми калмассың әле, ковид!

Башкортстанда коронавирус йоктыручылар 124 046га җитте. Тәүлек эчендә тагын 209 кешедә инфекция ачыкланды.  

Җиңелми калмассың әле, ковид!

Әле республика дәваханәләрендә 77 кеше коронавирустан дәвалана, алар арасында 52 пациент 60 яшьне үткән.
17 кеше авыр хәлдә, берсе үпкәләргә ясалма вентиляция ясау аппаратына тоташтырылган.
4 729 кеше амбулатор дәвалана, алар арасында 3 729 пациент 60 яшьтән өлкән.
Бер тәүлектә 303 кеше инфекцяне җиңгән.
Барлыгы савыгучылар саны – 114 727.
Тәүлек эчендә тагын 13 якташыбыз COVID-19 корбаны булды. Барлыгы корбаннар саны 4 513кә җитте, аларның 3 958е 60 яшьне узган булган.
Бер тәүлектә 15 кешегә пневмония диагнозы куелган. 71 пациент пневмониядән савыккан.
План буенча Башкортстанда Covid-19дан 2 484 667 кеше вакциналанырга тиеш (өлкәннәр саны - 3 105 836).
Республикага Covid-19дан 2 914 858 доза вакцина кайткан.
Беренче компонент белән 2 205 618 кеше вакциналанган (тиешлеләнең 88,8 проценты). 2 075 366 кеше вакциналауны тулысынча төгәлләгән (тиешлеләрнең 83,6 проценты).
Бер тәүлектә 2 708 кеше прививка ясаткан (беренче компонент белән - 914, икенче компонент белән - 1 794).
212 643 граждан ревакциналанган.
Республикада 60 яшьтән өлкәннәр саны - 890 387.
Аларның 579 050се беренче компонент белән вакциналанган, икенче компонентны да 541 320 кеше алган.

Фото: smartik.ru

 

Автор:Ләйсән Якупова