“Коронавирус инфекциясе җиңеләчәгенә ышаныч бар”

«Омикрон» штаммы йоктырган пациентлар, кагыйдә буларак, авыруны билгесез яки җиңел формада, госпитальгә ятудан башка кичерәләр, төп йөкләнеш амбулатор звенога төшә. Кешеләр үз вакытында медицина ярдәмен ала алсын өчен, Радий Хәбиров кушуы буенча, 31 гыйнвардан башлап, өлкәннәр поликлиникалары дүшәмбедән якшәмбегә кадәр 7:30дан 22:00гә кадәр эшли. ПЦР-тестларны поликлиникаларда 19:30га кадәр тапшырырга мөмкин. Ә Сәламәтлек саклау министрлыгы һәм “Роспотребнадзор” карамагындагы лабораторияләр тәүлек буе эшли торган графикка күчте.
Башкортстан Башлыгының социаль коммуникацияләр буенча идарәсе җитәкчесе Елена Прочаковская билгелеп үткәнчә, сәламәтлек саклау учреждениеләрендә зур чиратлар булган мәсьәләне көн тәртибеннән алып бетерү мөмкин булды диярлек. "Инцидент менеджмент" системасы берничә поликлиникада чират буенча берничә мөрәҗәгатьне генә теркәгән. Радий Хәбиров республика Сәламәтлек саклау министрлыгына бу мөрәҗәгатьләрне оператив рәвештә эшләргә һәм хәлне нормальләштерергә кушты.
Башкортстанның сәламәтлек саклау министры Максим Забелин хәбәр иткәнчә, республикада коронавирустан күпләп вакцина ясау дәвам итә. Төбәк үз илебездә җитештерелгән 2 914 858 доза вакцина алган. 7 февральгә алынган мәгълүматларга караганда, беренче компонент белән 2 392 331 кеше прививка ясаткан. 2 229 856 кеше вакциналауны тулысынча төгәлләгән. Бу вакциналанырга тиешле халыкның 96,3 һәм 89,8 проценты.
Гыйнварда төбәк 12-18 яшьлек балалар һәм үсмерләр арасында прививка ясау кампаниясен уздыру өчен «Спутник-М» вакцинасының беренче 2 800 дозасын алды. 220 укучы прививка ясаткан инде. Якын арада республика балалар вакцинасының чираттагы партиясен көтә.
Русия Дәүләт думасы депутаты, Башкортстанның Ковидка каршы ситуация үзәге координаторы Римма Үтәшева «омикрон» штаммы таралу шартларында ситүзәк операторларына йөкләнеш тотрыклы рәвештә югары кала, дип сөйләде. Шулай итеп, 31 гыйнвардан 6 февральгә кадәр алар 49 904 мөрәҗәгатьне эшләгән. Ә 2020 елның 16 ноябреннән кайнар линиягә (347) 218-19-19 телефоны аша 483 729 гариза кергән. Шалтыратуларның күбесе өйдә амбулатор дәвалауны оештыру, тест нәтиҗәләрен ачыклау, коронавирустан вакцина ясауга язылу белән бәйле.
Башкортстан Башлыгы кушуы буенча операторлар саны 90 кешегә кадәр артты. Алар арасында БДМУдан медицина экспертлары да бар, алар кешегә телефон аша консультация бирә һәм мәсьәләне тиз арада хәл итә ала. БДМУ ректоры Валентин Павлов вуз студентларының ковидка каршы хәлгә операторлар һәм экспертлар сыйфатында ярдәм итүне дәвам итәчәген хәбәр итте.
- Кешеләр ярдәм һәм грамоталы консультация ала торган урыннарга шалтырата. Бу хәзерге катлаулы эпидемиологик ситуациядә аеруча мөһим, - дип ассызыклады Радий Хәбиров. - Хезмәтегез өчен рәхмәт!
Башкортстанның мәгариф һәм фән министры Айбулат Хаҗин хәбәр иткәнчә, коронавирус 10 496 укучыда раслаган. Бу —республикада мәктәп укучыларының гомум санының 2,1 проценты. Узган атнада 259 мәктәп карантинда булган, шуларның 40ы – COVID-19 буенча. 7 февральдән бу белем бирү учреждениеләре көндезге уку форматына әйләнеп кайта башлый.
“Роспотребнадзор”ның төбәк идарәсе җитәкчесе Анна Казак хәбәр иткәнчә, Русиянең баш дәүләт санитар табибы карары нигезендә COVID-19 профилактикасы буенча санитар-эпидемиологик кагыйдәләргә үзгәрешләр кертелгән.
Әйтик, коронавируслы кеше белән элемтәдән соң изоляция кирәк түгел. Җиде көн дәвамында дәваланганнан соң, пациентларның “больничныен” ябып, ПЦР-тест тапшырмыйча гына эшкә, укуга юл куярга мөмкин.
Әгәр дәвалау җиде көннән ким дәвам итсә, пациентларны тискәре ПЦР-тест нәтиҗәсе белән эшкә, укуга чыгарырга була, аны алганнан соң өч көннән дә соңга калмыйча эшләргә мөмкин.
Пациентны амбулатор шартларда дәвалауны дәвам итү өчен стационардан тискәре ПЦР-тест алмыйча да мөмкин, кеше коммуналь фатирда, социаль хезмәт күрсәтү учреждениесендә, тулай торакта яки кунакханәдә яшәгән очраклардан тыш.
– Бу безнең COVID-19 белән гадәти респиратор авыру кебек эшләү яссылыгына күчү турында сөйли, - диде Анна Казак. – Һәм бу бездә коронавирус инфекциясе җиңелер дигән ышаныч тудыра.