Ковид йоктыручылар саны ай үсәсен көн үсә...

Башкортстанда коронавирус йоктыручыларның гомум саны 177 108гә җитте. Тәүлек эчендә тагын 4 341 якташыбызда инфекция ачыкланды.
Әле республика дәваханәләрендә 347 кеше ковид белән көрәшә, алар арасында 219 пациент 60 яшьне үткән. 34 якташыбыз авыр хәлдә. 26 678 кеше амбулатор дәвалана, алар арасында 3 342 пациент 60 яшьтән өлкән.
Бер тәүлектә 3 297 якташыбыз ковидны җиңгән. Барлыгы савыгучылар саны — 145 080.
COVID-19 янә 19 якташыбызның гомерен алып китте. Каһәрле инфекция корбаннары булган якташларыбыз саны 5 003кә җитте. Аларның 4 227се 60 яшьне узган булган.
43 кешегә пневмония диагнозы куелган. 199 кеше пневмониядән савыккан.
План буенча республикада Covid-19дан 2 484 667 кеше вакциналанырга тиеш (өлкәннәр саны — 3 105 836). Башкортстанга Covid-19дан барлыгы 2 965 558 доза вакцина кайткан. Беренче компонент белән 2 431 416 кеше вакциналанган (тиешлеләрнең 97,8 проценты). 2 283 087 кеше вакциналауны тулысынча төгәлләгән (тиешлеләрнең 91,9 проценты). Бер тәүлектә республикада 10 321 кеше прививка ясаткан (беренче компонент белән — 4 500, икенче компонент белән — 5 821).
Башкортстанда 60 яшьтән өлкәннәр саны — 785 763. Аларның 658 708е беренче компонент белән вакциналанган, ике компонентны да 610 519 кеше алган. Вакциналанган 12-17 яшьлек балалар саны — 2 880.

Фото: otvet.mail.ru