+20 °С
Болытлы
Сәламәтлек саклау
24 февраль 2022, 07:40
Республикада 42 205 кеше ковидтан өйдә дәвалана
Башкортстанда коронавирус йоктыручылар саны 207 226га җитте. Тәүлек эчендә янә 4 196 якташыбызда инфекция ачыкланды.
Республикада 42 205 кеше ковидтан өйдә дәвалана
Әле республика дәваханәләрендә 311 кеше коронавирустан дәвалана, алар арасында 203 пациент 60 яшьне үткән. 37 якташыбыз авыр хәлдә. 42 205 кеше амбулатор дәвалана, алар арасында 4 759 пациент 60 яшьтән өлкән.
Бер тәүлектә 1 035 якташыбыз ковидны җиңгән. Барлыгы савыгучылар саны – 159 579.
Тәүлек эчендә COVID-19 янә 18 якташыбызның гомерен алып китте. Корбаннар саны 5 131гә җитте. Аларның 4 311е 60 яшьне узган булган.
План буенча республикада Covid-19дан 2 484 667 кеше вакциналанырга тиеш (өлкәннәр саны - 3 105 836). 1нче компонент белән 2 449 956 кеше вакциналанган (тиешлеләрнең 98,6 проценты). 2 307 654 кеше вакциналануны тулысынча төгәлләгән (тиешлеләрнең 92,9 проценты).
Бер тәүлектә 1 721 кеше прививка ясаткан (1нче компонент белән — 688, 2нче компонент белән — 1 033).
Республикадагы 60 яшьтән өлкән 785 763 кешенең 666 064е 1нче компонент белән вакциналанган, ике компонентны да 620 424 кеше алган.
12-17 яшьлек балаларның 2 880е ковидтан прививка ясаткан.
Фото: studyfinds.org
