Донорлык — үзе бер мәдәният ул

Сәламәтлек саклауны үстерү милли фондының башлангычы буенча акция Русия халыкларының мәдәни мирас елы чаралары программасына керде.
Акцияне оештыручылар - Сәламәтлек саклауны үстерү милли фонды, Федераль медицина-биология агентлыгы һәм, Русия Федерациясе Федераль Җыелышы Федерация Советы, Дәүләт думасының сәламәтлек саклау комитеты, Русия Федерациясе Сәламәтлек саклау министрлыгы, Русия Федерациясе Мәдәният министрлыгы һәм Русия Кызыл Хач оешмасы ярдәмендә Русия Федерациясе Иҗтимагый палатасы каршындагы кан донорлыгы буенча Координация советы.
Акция бурычларына Русия халыкларының мәдәни мирас елы тематикасын кулланып донор чаралары уздыру, кан хезмәте төбәк учреждениеләре ихтыяҗларына туры китереп, кан запасларын тулыландыруга; мәдәният хезмәткәрләрен һәм Русия халыкларының мәдәни мирасын саклаучыларны донор хәрәкәтенә, донорларны төбәкләрнең мәдәни тормышына җәлеп итүгә ярдәм итү, Русия халыкларының мәдәни мирасын саклап калу һәм популярлаштыру; кан донорлыгы өлкәсендә ведомствоара багланышларның иң яхшы тәҗрибәләрен гомумиләштерү керә.
Акция кысаларында донор чаралары, проектлар яки донорларга чиксез ярдәм күрсәтүгә юнәлтелгән аерым вакыйгалар уздырылырга, аларга мәдәният учреждениеләренә, мәдәни вакыйгаларга бару өчен преференцияләр бирелергә мөмкин.
Шулай ук донорларны иҗади остаханәләр, театр студияләре эшенә җәлеп итү, эзләнү экспедицияләрендә катнашуны оештыру, туристик маршрутлар төзү, аларны мәдәни мирас турында материаллар әзерләүгә җәлеп итү мөмкин.

Фото: kubnews.ru