Луганскида Башкортстан табибларын бүләкләделәр

Ул аларны «яралыларга, авыруларга һәм Украина ягыннан хәрби агрессиядән зыян күргән башка кешеләргә медицина ярдәме күрсәтүдә югары профессионализм, ныклык һәм фидакарьлек өчен», шулай ук ЛХРда медицина персоналының эшен оештыруда һәм укытуда турыдан-туры катнашканнары өчен Мактау билгесе белән бүләкләү турында указга кул куйды.

Бүләкләү тантанасы 10 августта Красный Луч Үзәк шәһәр поликлиникасында узды. ЛХРның сәламәтлек саклау министры Наталия Пащенко бүләкләр тапшырды һәм Башкортстаннан килгән белгечләргә рәхмәт белдерде:

- Сезнең йөзегездә майдан биредә булган барлык медицина хезмәткәрләренә рәхмәт белдерәсем килә. Сез - квалификацияле белгечләр, үз йортларыгызны һәм гаиләләрегезне ташлап, безгә ярдәмгә килдегез. Моннан тыш, безнең өчен бу - физик ярдәм дә, бу әхлакый ярдәме дә: Без бергә һәм, һичшиксез" җиңәчәкбез дигән хис! Исегезгә төшерәбез, бу - Башкортстаннан килгән медицина белгечләренең өченче төркеме. Аларның күбесе биредә инде өченче вахта эшли һәм кирәк булса, тагын калырга әзер.

- Безнең хезмәтне шундый югары бәяләүләре бик күңелле - ди табиб-эндокринолог Леонора Хөсәенова. - Без Луганск Халык Республикасы, аерым алганда, Красный Луч шәһәре халкына файдалы булырга телибез. Биредә без урындагы хезмәттәшләребез белән бер зур команда булып эшлибез. Без алар ягыннан да, хакимият ягыннан да дусларча ярдәм тоябыз. Киләчәктә дә халыкка һәм хезмәттәшләребезгә максималь ярдәм итәчәкбез.

Гөлнур Артыкаева.