-25 °С
Болытлы
Гәзиткә язылуVKOKTelegramЯRus
Барлык яңалыклар
Сәламәтлек саклау
24 ноябрь , 15:55

Чикләвек белән дәвалана беләсезме?

Чикләвек ашауның файдалы икәнлеген беләбез. Дөрес куллансаң, алар дәва да була икән!

Чикләвек белән дәвалана беләсезме?
Чикләвек белән дәвалана беләсезме?

Ашказаны җәрәхәтен дәвалау өчен бер стакан төелгән әстерхан чикләвеген ярты стакан суда бутарга һәм, сөзеп, бер калак бал кушарга. Көненә алты тапкыр берәр чәй калагы эчәргә.

Бер стакан аракыга җиде әстерхан чикләвеге кабыгы һәм өч чәй калагы бүлгеләрен кушып төнәтмә ясасаң, эчәк авыруларын дәвалаучы, тамырларны чистартучы дару килеп чыга.

Озак итеп чәйнәлгән әстерхан чикләвеге суган һәм сарымсак исен бетерә.

Йөрәкне, иммунитетны, канны яхшыртыр, бронхитны бетерер өчен көн саен ач килеш берәр стакан әстерхан чикләвеге белән күрәгә, өч кашык бал салынган катнашманы бер кашык ашарга кирәк.

Ашказаны асты бизе авыруы, кан оешуы югары, тромбофлебит, экзема, псориаз һәм бу чикләвеккә аллергия булганда аны кулланырга ярамый. Кискен һәм хроник авырулар булганда табиб белән киңәшләшергә кирәк.

Фото: "astoria-show.ru"

Автор:Ләйсән Якупова
Читайте нас в