-21 °С
Болытлы
Гәзиткә язылуVKOKTelegramЯRus
Барлык яңалыклар
Сәламәтлек саклау
25 гыйнвар , 10:35

Бакалыда яңа ФАПлар күптән көткән сөенеч булды!

Бакалы районының Иске Мәте, Иске Катай һәм Иске Шәрәшле авылларында яңа фельдшер-акушерлык пунктлары ачылды.

Бакалыда яңа ФАПлар күптән көткән сөенеч булды!
Бакалыда яңа ФАПлар күптән көткән сөенеч булды!

Өч ФАП та медицина ярдәме күрсәтүнең заманча стандартлары буенча җиһазландырылган. Һәр пунктта фельдшер кабинеты, процедуралар, персонал, медикаментларны саклау бүлмәләре, пациентларның көтү урыны бар.

Яңа ФАПларда халыкны тәҗрибәле белгечләр кабул итә, алар — фельдшерлар Винера Габсатарова, Наталья Савельева, Лилия Кадыйрова һәм Ләйсән Бикбатырова.

Бакалы үзәк район дәваханәсенең баш табибы Зәбир Гыйздәтуллин билгеләвенчә, яңа фельдшер-акушерлык пунктлары ачылу - сәламәтлек саклау өлкәсе хезмәткәрләре өчен дә, авыл халкы өчен дә зур вакыйга, чөнки аларның ярдәмендә медицина ярдәме күрсәтүнең уңайлылыгы һәм сыйфаты арта.

 

Автор:Ләйсән Якупова
Читайте нас в