Ике көндә тугыз кеше батып үлгән...

“Хөрмәтле республика халкы һәм кунаклары! Соңгы ике ял көнендә республика елгаларында һәм сулыкларында су коену вакытында 9 кеше батып үлгән. Шул рәвешле, агымдагы ел башыннан, оператив мәгълүматлар буенча, су корбаннары саны 84кә җиткән.

Фаҗига тагын 7 баланың суда һәлак булуында: Архангель, Белорет, Благовещен, Дүртөйле, Ярмәкәй һәм Стәрлетамак районнарында, шулай ук Уфада.

Республика елгаларында һәм сулыкларында һәлак булу статистикасыннан күренгәнчә:
1) судагы бәхетсезлек очракларының күбесе 16.00 сәгатьтән 21.00 сәгатькә кадәр була;
2) су коену алдыннан батып үлүчеләрнең 80 проценттан артыгы алкоголь кулланган;
3) һәлак булганнарның барлык 100 проценты бу максат өчен җиһазландырылмаган урыннарда коенган;
4) һәр икенче һәлак булганның балигъ булмаган балалары калган.

Агымдагы су коену сезонында еш кына Агыйдел, Уфа һәм Дим елгаларында, шулай ук күлләрдә һәм буаларда баталар.
Фаҗигане булдырмас өчен таныш булмаган һәм тыелган урыннарда су коенудан тыелырга чакырам. Анда көчле су асты агымнары, су әйләнүләре, тирән урыннар, салкын чишмәләр булырга мөмкин.

Билгесез рельефлы урыннарга чуммагыз: ташларга бәрелергә яки очлы әйберләргә тап булырга мөмкин.
Алкоголь эчкәннән соң яки ялгыз су коенмагыз, ярдан ерак китмәгез, елга яки сулык аша йөзәргә тырышмагыз, көчегезне һәм мөмкинлекләрегезне артык бәяләмәгез.

Йөзү өчен махсус җиһазландырылган пляжларны гына сайлагыз!
Хөрмәтле өлкәннәр! Судагы балалар фаҗигаләренең 20 проценты – су коенганда балалар янында булган ата-аналарның карамавы. 80 проценты - балалар өлкәннәрсез сулыкларга барганда.

Балаларны елгаларга һәм сулыкларга ялгыз җибәрмәгез, шулай ук су янында ял иткәндә балаларны караучысыз калдырмагыз. Балалар кычкырмыйлар, алар тыныч һәм тиз генә баталар. Балаларга матрасларда һәм түгәрәкләрдә ерак йөзәргә рөхсәт итмәгез. Иң мөһиме — балаларны йөзәргә өйрәтегез!

Исегездә тотыгыз! Суда хәвефсезлек кагыйдәләре аларның үтәлмәве корбаны булган аналарның һәм туганнарының ачы күз яшьләре белән сугарылган.
Су объектларында һәрвакыт хәвефсезлек таләпләрен үтәгез! Якыннарыгызны һәм тирә-юньдәгеләрне аларны үтәргә өндәгез! Бергәләп кенә үзебезне һәм балаларыбызны судагы фаҗигаләрдән саклый алабыз!”