Аутизмлы балаларга ярдәм мәсьәләләре тикшерелде

— Русиядә физик мөмкинлекләре чикле балалар саны арту күзәтелә. Аларның шактый зур өлешен психик тайпылышлары булган балалар тәшкил итә. 2021 елдан Башкортстан Идел буе федераль округында гамәлгә ашырыла торган «Менталь сәламәтлек» иҗтимагый проекты чараларын гамәлгә ашыру өчен терәк төбәк булып тора. Мартта без психик сәламәтлек үзәген ачтык, ул мондый авырулы балаларны дәвалау һәм аларга ярдәм итүнең барлык кирәкле методикаларын кулланырга мөмкинлек бирә, – дип билгеләп үтте Министрлар Кабинеты башлыгы.

Сәламәтлек саклау министры Айрат Рәхмәтуллин мондый авырулы балаларга медицина ярдәме күрсәтүне оештыру турында сөйләде. Үзәк эшли башлаганнан бирле белгечләр аутизм спектры бозылган 174 баланы ачыклаган, барлыгы республикада белгечләр күзәтүе астында 2174 бала тора. Аларның күбесендә — интеллект ягыннан, икенче урында аутизм спектры буенча, соңыннан психик яки сөйләм үсеше тоткарлануы буенча тайпылышлар күзәтелә. Белгечләр тарафыннан пациентларны абилитацияләүнең 162 программасы эшләнгән, 1300дән артык коррекция чарасы үткәрелгән, шулай ук кадрлар әзерләү буенча белем бирү эше алып барыла.

Республиканың сәламәтлек саклау министры билгеләп үткәнчә, нәтиҗәле эшләү өчен аутизм спектры бозылган кешеләр белән эшләүче оешмаларның тырышлыгын берләштерү кирәк. Мондый авыру балаларны иртә ачыклау системасыннан алып социальләштерүгә һәм өлкәннәрнең яшәвенә кадәр ачык схема булдыру кирәк.

Андрей Назаров Башкортстанның Сәламәтлек саклау министрлыгына аутизм спектры бозылган балаларга һәм аларның гаиләләренә мөмкин булган ярдәм чаралары буенча тәкъдимнәр бирергә кушты.