+21 °С
Болытлы
Сәламәтлек саклау
1 сентябрь 2023, 09:32
Башкортстанда гриппка каршы вакцинация башлана
Прививка кампаниясе 1,8 миллион кешене колачларга тиеш. Бу хакта Башкортстанның Сәламәтлек саклау министрлыгы матбугат хезмәте белдерә. Халыкны иммунлаштыру өчен ведомство 2 препарат тәкъдим итә: өлкәннәр һәм балалар өчен «Ультрикс квадри» һәм «Совигрипп» (каршы күрсәтмәләр бар, белгеч белән киңәшләшергә кирәк).
"Кавказская пленница, или Новые приключения Шурика"
Табиблар әйтүенчә, вакцинацияне мәҗбүри рәвештә алты айдан алты яшькә кадәрге балаларга, йөклеләргә, мәктәп укучыларына һәм студентларга, эшкә яраклы яшьтәге һәм 60 яшьтән өлкәнрәкләргә, хәрби хезмәткә чакырылучыларга, хроник авырулы кешеләргә үтәргә кирәк. Прививка ясау өчен иң яхшы вакыт - көз башы.
Башкортстан Хөкүмәте Премьер-министры Андрей Назаров та гриппка каршы прививка ясатты. Бу хакта ул үзенең телеграмм-каналында хәбәр итте. Андрей Назаров билгеләп үткәнчә, көзге салкыннар, ә алар белән бергә эпидемиологик сезон да башлана.
"Кем иртәсен гриппка каршы прививкадан башлый - ул акыллы эш итә. Бу бит шаяру түгел. Безнең республикага салкыннар килде, ә алар белән бергә грипп сезоны да. Монда иң яхшы ысул — профилактика һәм прививка. Бүген Уфа поликлиникаларының берсендә прививка ясаттым. Мин үземне яхшы хис итәм. Авырырга вакыт юк, алда күп эшләр бар", - дип язган Андрей Назаров.
Андрей Назаровның телеграмм-каналыннан
Премьер-министр Башкортстанга өлкәннәр һәм балалар өчен гриппка каршы вакциналарның беренче партиясе (715 меңнән артык доза) кайтарылуы хакында өстәде.
