Яңа психотроп препаратлар эшләнәчәк

БДМУның психотроп чаралар фармакологиясе лабораториясе 2023 елда психопатологияне дәвалау өчен дару препаратларының инновацион молекулаларын эшләү максатыннан төзелгән.

Үткәрелгән тикшеренүләр биологик актив матдәләрнең яңа классын өйрәнүгә дә, химик матдәләрнең башка класслары арасында нейропсихотроп эффектлары булган оригиналь матдәләрне эзләү белән дә бәйле.

- Депрессия авыруларын дәвалау өчен яңа дарулар эшләү фармакологиянең өстенлекле бурычы булып тора, чөнки бу авыруларның йөге соңгы дистә еллар дәвамында бөтен дөньяда тотрыклы үсә, ә булган препаратлар клиника ихтыяҗларын капламый һәм күпсанлы кирәкмәгән тискәре нәтиҗәләргә китерә. Безнең тикшеренүләр киләчәктә бу проблеманы хәл итәргә ярдәм итә һәм Русиянең уникаль «first in class» препаратларын булдыру өчен нигез булып хезмәт итә ала, бүгенге көндә аларның аналоглары юк, — ди психотроп препаратлар фармакологиясе лабораториясе мөдире Ирина Никитина.

Профессор Ирина Никитина җитәкчелегендә лабораториядә антидепрессант, нейропротектив һәм анальгетик тәэсирле яңа молекулалар булдыру буенча тикшеренүләр үткәрелә, когнитив функцияләрне яхшырту өчен чаралар, шул исәптән баш мие ишемиясе һәм инсультлар вакытында өйрәнелә.

Моннан тыш, лабораториядә яңа матдәләрнең эш итү механизмы эксперименталь рәвештә тикшерелә, аларның токсикозлыгы бәяләнә, психопатология модельләре эшләнә.