Вузара кампуста генетик хәвефләрне фаразлап булачак

- Геном һәм постгеном технологияләре лабораториясе – югары уку йортлары кампусының беренче чираты бинасында урнашкан яңа лабораторияләрнең берсе, ул актив эш башлауга әзер диярлек, - дип билгели Александра Станиславовна. - Барлык таләпләрне һәм актуаль тенденцияләрне исәпкә алып проектланган заманча биналарга күчендек. Иркен, якты бүлмәләр төрле ысуллар (күмәк генотиплау, секвенирлау, агым цитометриясе һ.б.) кулланып, фәнни тикшеренүләрнең киң спектрын башкару өчен җиһазландырыла. Алга таба лабораториянең приборлар базасын тулы геномлы һәм дөнья дәрәҗәсенә туры килгән башка тикшеренүләр үткәрү өчен яңартырга һәм киңәйтергә планлаштырабыз.

— Ә лаборатория нәрсә белән шөгыльләнәчәк?
- Яңа лаборатория эшчәнлеге кешенең нәселдән килгән һәм күп факторлы авыруларының молекуляр генетикасы буенча фәнни-тикшеренү эшләрен башкаруга да, эзләнү-гамәли тикшеренүләр үткәрүгә дә юнәлтеләчәк. Аларның максаты төрле генетик панельләр һәм киң таралган күп факторлы авырулар һәм нәселдән килгән авыруларны ДНК-диагностикалау алгоритмнары үсеше куркынычын фаразлау ысулларын эшләү булачак.
Фәнни-белем бирү эшчәнлеге кысаларында геном һәм постгеном технологияләре лабораториясендә әлеге өлкәдә компетенцияләрнең киң спектры булган квалификацияле белгечләр әзерләнәчәк.

- Лаборатория ишекләре студентлар өчен ачык булырмы?
– Әлбәттә. Лаборатория хезмәткәрләренең күбесе үзләренең фәнни эшләрен Уфа Фән һәм технологияләр университетының генетика һәм фундаменталь медицина кафедрасында укытучылык эшчәнлеге белән бергә алып бара. Безнең студентлар заманча геном технологияләрен үзләштерә алачак, чыгарылыш квалификация эшләрен башкара алырлык уникаль җиһазларга ия булачак. Һәм күбрәк вакыт фәнни эшкә багышланачак, бу аларның тикшеренү һәм инновацион эшчәнлектә катнашу дәрәҗәсен арттырачак.