Афәттән саклан!

Наркомания — хәзерге җәмгыятьнең иң җитди проблемаларының берсе. Наркотиклар — нерв системасына тәэсир итә һәм кешенең аңын үзгәртә торган матдәләр. Барлык наркотиклар баш миендә барган химик процессларда катнаша, аларны үзгәртә һәм наркотикларга бәйлелек үсешенә китерә.
Наркомания — ул психоактив матдәгә каршы тора алмаслык тартылу. Наркомания үсешенең төп билгеләре: наркотикка ияләшү, дозаны һәм кабул итү ешлыгын арттыру кирәклеге, наркотикка физик бәйлелек, чираттагы доза булмаганда абстинент синдромы, яки “ломка” барлыкка килү. Алкоголь һәм тәмәке шулай ук психоактив матдәләргә карый, юридик яктан наркотиклар дип саналмаса да.

Барлык психоактив матдәләр — агулар, аларны куллану нәтиҗәсендә наркоманның баш мие күзәнәкләре үлә һәм фикерләү сәләте бозыла, интеллект һәм хәтере кими. Наркотиклар куллану шизофрениягә охшаш психик үзгәрешләр китереп чыгара: ябыклык, эмоциональ реакцияләрнең ярлылануы, сизү сәләте, хәрәкәт бозылулары. Организмдагы барлык агулар бавыр белән зарарсызландырылганга күрә, наркотиклар куллану аның күзәнәкләренең үлеменә һәм цирроз үсешенә китерә. Ә организм системаларын даими стимуллаштыру аркасында наркоманнарның йөрәк мускулы тиз көчсезләнә һәм иммунитеты шактый кими.

Моннан тыш, уртак шприцлар куллану һәм еш кына җенси гигиена булмау сәбәпле, наркоманнар еш кына бер-берсенә В һәм С гепатиты, сифилис һәм ВИЧ-инфекция йоктыралар. Наркоманнарның күпчелеге — яшьләр, нигездә 35 яшьтән өлкәнрәк түгел. Күпләр наркотикларга «компания өчен», өлкәнрәк булып күренергә теләү, «проблемалар белән көрәшү» яки чагу хисләр алу өчен ияләшеп китә. Наркоман үзенең күпчелек социаль элемтәләрен югалта. Эмоциональ-шәхес өлкәсе бозылу сәбәпле, ул элеккеге дусларына кызык булмый башлый, ә аның төп кызыксыну предметы — чираттагы дозаны эзләү һәм куллануга әйләнә. Наркотиклар сатып алу өчен акча эзләү кешеләрне җәмгыятьнең җинаятьчел катламнарына күчерә, ә аннары җинаятьләргә, шул исәптән авыр җинаятьләргә дә этәрә. Наркотиклар кулланудан үлем иртә килә, бу яшьләр арасында үлем очракларының артуына китерә.

Фото: https://semeyny-vrach.med.cap.ru/