Конференциядә катнашучыларны Забелин Башкортстан Башлыгы хакимияте җитәкчесе Максим Забелин, республиканың сәламәтлек саклау министры Айрат Рәхмәтуллин, Логинов исемендәге Мәскәү клиник фәнни-гамәли үзәге директоры, Русия Фәннәр академиясе академигы, профессор, Мәскәү шәһәре сәламәтлек саклау департаментының штаттан тыш баш белгеч-онкологы Игорь Хатьков, Цыба исемендәге Мәскәү радиология фәнни үзәге – «Русия Сәламәтлек саклау министрлыгының радиология фәнни-тикшеренү үзәге” филиалы директоры, Русия Сәламәтлек саклау министрлыгының штаттан тыш баш белгеч-онкологы, медицина фәннәре докторы, Русия Фәннәр академиясенең әгъза-корреспонденты, Русиянең атказанган табибы Сергей Иванов, медицина фәннәре докторы, Русиянең атказанган табибы, Башкортстан Сәламәтлек саклау министрлыгының Республика клиник онкология диспансерының баш табибы Адель Измайлов сәламләде.
Эш өчен гибрид формат сайланды. Русиянең әйдәп баручы эксперт-онкологлары яман шешләрне дәвалауда кулланыла торган алдынгы хирургия техникаларын күрсәттеләр, аларның операция бүлмәләрен «тере хирургия» форматында барлык төбәкләргә трансляцияләделәр һәм фикер алыштылар.
Көн дәвамында 9 катлаулы күрсәтмә онкологик операция башкарылды. Туры эфирда сораулар бирергә һәм аларга хирургларның җавапларын алырга мөмкин иде.
Онкодиспансер белгечләре, Русия онкологлары тарафыннан хирургия осталык дәресләре белән беррәттән, презентацияләр режимында яман шешләрне катнаш дәвалауның катлаулы клиник очраклары актив тикшерелде.
Конференция эшендә көндезге һәм онлайн форматта барлыгы җиде йөздән артык кеше катнашты. Кунаклар конференцияне оештыру дәрәҗәсен югары бәяләделәр һәм мондый дәрәҗәдәге чараның Башкортстан Республикасы онкология хезмәте үсеше өчен әһәмиятле вакыйга булуын билгеләп үттеләр.
Бу уңайдан Башкортстан Башлыгы Хакимияте җитәкчесе Максим Забелин социаль челтәрдә әһәмиятле пост урнаштырган: https://vk.com/wall523359892_5589