“Сәламәтлек поездлары” быел ниләр ачыклаган?

Акциягә күчмә Сәламәтлек үзәкләре һәм ФАПлар, флюорографлар һәм маммографлар җәлеп ителгән. Бригадалар составында терапевтлар, хирурглар, акушер-гинекологлар, онкологлар, кардиологлар, офтальмологлар, урологлар, неврологлар, стоматологлар, эндокринологлар һәм башка белгечләр эшләгән.

„Башкортстанда “Сәламәтлек поезды" акциясе эшләү дәверендә белгечләр тарафыннан 332 торак пунктта 169 408 кабул итү, 41 430 тикшеренү үткәрелгән, шул исәптән 25 меңнән артык флюорография һәм 15 мең маммография. Узган елдагы белән чагыштырганда, гражданнарны медицина тикшеренүләре белән тәэмин итүнең артуы һәм торак пунктларның географиясе киңәюе күзәтелә. Тикшеренү нәтиҗәләре буенча кандагы глюкоза дәрәҗәсе югары булу куркынычы факторының - 4093, холестерин дәрәҗәсе югары булуның - 5500, артык авырлыкның - 6908, кан басымы югары булуның 7153 очрагы ачыкланган. 196 кешедә - яман шеш, 716 кешедә - шикәр чире, 11 кешедә - туберкулез, 3276 кешедә югары кан басымы белән характерланган авырулар булуы ачыкланган", - дип сөйләде Роберт Иштуков.

Ул билгеләп үткәнчә, акция Башкортстанда яшәүчеләрнең иртә стадияләрендә вакытыннан алда үлү куркынычы төркеменә кергән авыруларны ачыкларга һәм пациентларны вакытында тикшереп бетерүне һәм дәвалауны оештырырга мөмкинлек бирде. «Сәламәт республика — сәламәт төбәк» акциясе 2025 елда да дәвам итәчәк.