Медицина эшчәнлеге югары бәяләнгән

Ул 100 процент тәшкил иткән, бу узган елның шул ук чоры күрсәткеченнән 0,4 процент пунктына югарырак.

- Сораштыру үткәргәндә 625 респондент Башкортстан Сәламәтлек саклау министрлыгының медицина эшчәнлеген лицензияләү процессы өчен «бик яхшы» бәясе куйды, ягъни барлык респондентлар да лицензияләү белән канәгать, хезмәт күрсәтү сыйфатын яхшырту буенча тәкъдимнәр килмәде, – ди Сәламәтлек саклау министрлыгының лицензияләү бүлеге җитәкчесе Эльвира Тәхәветдинова.

625 респонденттан сәламәтлек саклау министрлыгы сайты аша 219 респондент тавыш биргән, Инвест портал аша – 161, калганнары кәгазьдә сораштыруда катнашкан.

«Лицензияләр бирү процедураларының нәтиҗәлелеге» анкетасы мөрәҗәгать итүчеләрнең медицина эшчәнлеген лицензияләү хезмәтеннән канәгатьлек дәрәҗәсен ачыклау максатыннан эшләнгән. Ул Сәламәтлек саклау министрлыгы сайтында урнаштырылган. Сәламәтлек саклау министрлыгы Медицина эшчәнлеге буенча лицензия алу өчен һәрьяклап ярдәм күрсәтә. Шул максаттан лицензияләү буенча хезмәтләр алганда консультацияләү һәм методик ярдәм күрсәтү буенча «кайнар линия» булдырылган, лицензияләү турындагы барлык мәгълүмат Башкортстан Сәламәтлек саклау министрлыгының рәсми сайтында урнаштырылган.