+3 °С
Болытлы
Барлык яңалыклар
10
Сәламәтлек саклау
27 февраль , 12:02
Саклаучы көчләрегез нык булсын!
24 февраль – 2 мартта Русия Сәламәтлек саклау министрлыгы иммунитетны саклау һәм ныгыту атналыгын (1 марттагы Бөтендөнья иммунитет көне хөрмәтенә) уздыруны игълан итте.
Саклаучы көчләрегез нык булсын!
Организмның иммун системасының билгеләнеше – организмны авыру китереп чыгаручы микроорганизмнар һәм вируслар тәэсиреннән саклау, микроблардан һәм паразитлардан гына түгел, үз организмының контрольдән чыккан күзәнәкләреннән дә саклау.
- Иммунитетка түбәндәгеләр начар йогынты ясый:
1. Дөрес булмаган яшәү рәвеше (алкоголь куллану, тәмәке тарту, физик активлыкның аз булуы);
2. Стресслар, депрессив халәт, артык ярсучанлык, арыганлык һәм начар йокы;
3. Әйләнә-тирә мохит;
4. Дөрес тукланмау.
Организмның иммун яклавы турыдан-туры безнең нәрсә ашавыбызга бәйле. Аксымлы азык организмны антитәнчекләр һәм башка иммунитет агентлары ясалу өчен кирәкле аминокислоталар белән тәэмин итә.
Майлар иммун күзәнәкләрен төзү өчен кирәк, ә углеводлар иммун системасы өчен энергия бирә.
Организмны саклау функциясен ныгытырга сәләтле продуктлар — лимон, имбир, яшел чәй, җиләк-җимеш, тулы бөртекле ботка, әче сөт продуктлары, җиләкләр, миндаль.
65 яшьтән өлкәнрәк кешеләргә пневмококкка каршы вакцина ясату яхшы.
Автор фотосы.
Читайте нас: