Башкорстан төпкел авылларга да медицина ярдәмен нәтиҗәле оештыра алды

Башкортстан бу проблеманы «Сәламәт республика – сәламәт төбәк» акциясе аша хәл итә. 2019 елдан республика Башлыгы Радий Хәбиров башлангычы белән ерак районнарга «Сәламәтлек поездлары» йөри. Берничә ел эчендә акция авыл халкы өчен табиб диагностикасы һәм дәвалауның тулыканлы механизмына әверелде. 2019-25 елларда мобиль комплекслар 1899 торак пунктта булган һәм 827 305 тикшеренү үткәргән.

Пациентка каршы баралар

Төрле профильле комплекслар белән җиһазландырылган мобиль автопоездлар 6 маршрут буенча эшли. Беренчедән, бу - барлык муниципаль районнарны колачларга, икенчедән, авырулар картинасын исәпкә алып, кайда нинди белгечләргә ихтыяҗ булуын планлаштырырга мөмкинлек бирә. “Сәламәтлек поездлары" конкрет территория өчен комплектлана. Бер очракта - көчлерәк диагностик контур кирәк, икенчесендә игътибар кардиологиягә, хатын-кыз сәламәтлегенә яисә диспансер күзәтүенә ясала.

Тулы профильле күчмә медицина

Табиблар бригадалары составы да күптармаклы. Сәфәрләрдә терапевтлар, хирурглар, кардиологлар һәм башка белгечләр катнаша. Шулай итеп, ерак авылларда яшәүчеләргә акция йорт янында тулы медицина тикшеренүе узарга мөмкинлек бирә. Республика мондый территорияләрне профессионал медицина хезмәтләре белән тәэмин итә, алар арасында атказанган табиблар һәм фән эшлеклеләре, Башкортстан медицина университеты профессорлары да бар.

Иртә диагностикага - өстенлек

Проект берьюлы берничә бурычны хәл итә:
- диспансерлауның беренче этабы кысаларында халыкны тикшерү;
- диспансер күзәтүендә булган кешеләргә адреслы ярдәм;
- вакциналау, хроник авыруларга тест үткәрү, авыл халкы белән профилактика һәм аңлату эшләре алып бару.
Быел бу эшкә 10 күчмә флюорограф, 10 маммограф, 49 мобиль ФАП, 9 күчмә Сәламәтлек үзәге җәлеп ителгән.

“Әлегә бу - саннар гына. Әмма алар артында — халкыбызның сәламәтлеге турында ихлас кайгырту. Кызганычка каршы, көндәлек тормышта барысының да табибка вакытында эләгү мөмкинлеге юк. Кемгәдер ерак барырга кирәк, кемнеңдер вакыты юк, кемдер кул селтәп куя, «болай да узар» ди. Шуңа күрә без табиблар ел саен пациентлар янына үзләре киләчәк дип килештек. Сүзебездә торабыз», — диде Башкортстан Башлыгы Радий Хәбиров.

Башкортстан кейсының көчле ягы сәламәтлек саклауның территориаль мөмкин булмавы проблемасын хәл итүнең бер варианты тормышка ашырылуда гына түгел. Әмма төбәк Хөкүмәте медицинаның мобиль контурын җыя, махсус ярдәмне конкрет торак пунктка җиткерә - нәкъ менә кирәк булганда, нәкъ менә кирәкле вакытта. Ерак районнарда да аңлаешлы, сыйфатлы һәм адреслы медицина ярдәме күрсәтү мөмкин — проектның нәтиҗәсе шунда.