Сәламәт балалар — сәламәт киләчәк!

Нәселдән һәм тумыштан килгән авыруларны иртә ачыклау максатында Русия Федерациясендә пренаталь һәм неонаталь скрининглар үткәрелә, алар авыруларны вакытында диагностикаларга, дәвалауны башларга мөмкинлек бирә.

Иртә инвалидлык алуга һәм гомер озынлыгын кыскартуга китерә торган сирәк (орфан) авырулардан интегүче балалар категориясенә дәүләт аерым игътибар бирә.

Үсмерләр шулай ук алкоголь, тәмәке, электрон тәмәке куллана, шуңа бәйле рәвештә аларның сәламәтлеккә зыян килүе һәм сәламәт яшәү рәвешенең өстенлекләре турында хәбәрдарлыгын арттыру мөһим - балалар арасында бәхетсезлек очракларын һәм җәрәхәтләрне булдырмау мөһим роль уйный. Русия Сәламәтлек саклау министрлыгы тарафыннан «Балалар травматизмы» белешмәсе эшләнде.

"Росстат" мәгълүматлары буенча, имгәнүләр, агуланулар һәм тышкы факторлар йогынтысының кайбер башка нәтиҗәләре 0-17 яшьтән балалар үлеме структурасында беренче урынны алып тора (30 процентка кадәр).

Профилактика чараларының нигезләрен белү авыр инвалидлыкны һәм балаларда үлем очракларын булдырмаска сәләтле. Педагогик хезмәткәрләр, ата-аналар балаларда имин тормыш күнекмәләре тәрбияләргә, балаларның җәрәхәтләнүен профилактикалауга юнәлтелгән профилактик чаралар үткәрергә һәм аңлатырга тиеш.
Мәсәлән, балалар арасында пешүләрне профилактикалау өчен ата-аналар балаларның утка, плитәгә, кызган өслекләргә, кайнар ризыклы кәстрүлләргә һәм кайнар сулы чәйнекләргә керүен чикләргә тиеш.

Балаларның һәм үсмерләрнең сәламәт яшәү рәвешен алып баруга бирелгәнлеген арттыру, ата-аналарның һәм опекуннарның балаларның сәламәтлеге мәсьәләләренә игътибарын арттыру мөһим.

Автор фотосы.