Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Мәктәп, ФАП, юллар — авылны саклар шулар!

Мәктәп, ФАП, юллар — авылны саклар шулар!
15.11.2018 / Көнүзәк

Мәктәп, ФАП, юллар — авылны саклар шулар!Башкортстан Башлыгы вазыйфасын вакытлыча башкаручы Радий Хәбиров Мәчетле, Дуван, Салават районнарында эш сәфәре вакытында социаль өлкә мәсьәләләренә аерым игътибар юнәлтте.

Узган шимбәдә Башкортстан Башлыгы вазыйфасын вакытлыча башкаручы Радий Хәбиров республиканың төньяк-көнчыгыш районнарында эш сәфәрендә булды.


Мәчетле районы үзә­гендә Радий Фәрит улы “Көнь­як” һәм “Көнчыгыш” бистәләре төзелеше белән танышты. Шәхси торак төзү өчен анда күпбалалы, инвалид бала тәрбияләүче гаиләләр, яшь белгечләр өчен 850 участок бүленгән. Әмма инженерлык инфраструктурасы үткәрел­мәгән-лектән, төзелеш эшләре бик акрын бара. Төп проблема — су һәм газ тәэминаты тоткарлана. Район хакимияте башлыгы Әнис Әсәдул­лин, болардан тыш, районда юлларны төзек­ләндерү зарурлыгын да ассызыклады.
Шунда ук Радий Хәбиров 2019 елда файдалануга тапшырылырга тиеш 140 урынлык балалар бакчасы белән танышты. Башкорт гимназиясендә ул технология кабинетын карады, укучылар, укытучылар бе-лән аралашты.
Олы Устьикинда үзәк район дәваханәсе төзелеше 1992 елда ук башланган, тик бүген дә сафка кертел-мәгән. Радий Хәбиров бу проектны Республика максатлы инвестицион программасына кертергә йөк-ләде. 2020 елда дәваханә ишекләрен ачарга тиеш. Шулай ук, баш табиб Альберт Нурмөхәммәтов бире-дә табиблар җитешмәү мәсьәләсе дә зур авырлыклар тудыруы турында сөй­ләде.
Түбән Баба авылында Радий Фәрит улы “Василек” балалар бакчасында булды. Бакча мөдире белде-рүенчә, төркемдә балалар саны бик күп. Шул ук вакытта, бинага ремонт үткәрү дә таләп ителә.
— Күңел биреп эшләве­гез күренеп тора. Без сезгә яр­дәм итәчәкбез. Җәй бире­дә ремонт эшләре башкарылачак, яңа балалар мәй-данчыгы төзеләчәк, — диде Радий Хәби­ров.
Шунда ук җитәкче фельд­шер-акушерлык пунктын да карады. Аңа 2,5 ел яшь белгеч Марат Сәлмәев җитәкчелек итә. Ул Ырынбур өлкәсеннән “Авыл табибы” программасы буенча эшкә килгән. Радий Хәбиров авыруларны район дәваха-нәсенә илтү мәсьәләсе белән кызыксынды һәм киләсе елга биредә модульле ике фельдшер-акушерлык пункты төзеләчәге турында белдерде. Моннан тыш, район хакимиятенә киләсе елга балалар бакчасына, ФАПка илтә торган юлга асфальт түшәүне оештыру бурычы да куелды.
Шул ук көнне Радий Фәрит улы хокук сакчылары белән аралашты һәм аларны һөнәри бәйрәмнәре белән котлады.
Дуван районының Сальевка авылы янындагы Мә­ләкәс елгасы аша күпер 1992 елда төзелгән. Бүген ул, авария хәлендә булуга карамастан, 2 мең кеше яшәгән авылларны тоташтыра. Күпер аша йөк машиналары да чыгып йөри. Радий Хәбиров киләсе елга күперне ремонтлау өчен республика бюджетыннан акча бүленәчәген әйтте.
Тастүбә авылындагы урта мәктәп тә 1974 елда төзелгән булган. Спорт залы, ашханә, тир, кайбер укыту кабинетлары авария хәлендә булганлыктан, алар кулланылмый. Яңа мәктәп төзү өчен проект эшләренә акча бүленгән инде. Радий Фәрит улы 120 урынлык мәктәп төзүне 2020 елга Республика максатлы инвестицион программасына кертергә кушты. Шунда ук ул авылда модульле фельдшер-акушерлык пункты төзү мәсьәләсен дә тикшерде.
— Проект эшләрен тиз­ләтү мөһим. 2020 елда Озеро һәм Тастүбә авылларында ике мәктәп төзелешен дә төгәлләргә кирәк, — диде Радий Хәбиров Дуван районы хакимияте башлыгы Фаил Мөхәммәдиевка.
Дуван районы үзәге Мәсәгутьтә Радий Хәбиров Мәсәгуть сөт-консервалау комбинаты эше белән танышты. Анда предприя­тие­нең киләчәк үсеше, продукцияне төрле төбәккә илтү һәм башка төрле продукция җитештерү мәсьәлә­ләре тикшерелде. Шунда ук җитәкче спорт залын һәм аның янындагы мәйдан­чыкны да карады. Спорт мәктәбе директоры белән киләчәктә бассейн төзү турында да сүз булды.
Мәсәгуть район үзәк дә­ва­ханәсенең баш табибы Валерий Трофимов балалар поликлиникасы кысык булуы турында сөйләде. Шул ук вакытта, монда ки­ләчәктә төньяк-көнчыгыш районнардан килүче балалар өчен тернәкләндерү амбулатория-поликлиника бүлекчәсе дә төземәкчеләр. Ул инвалид балалар һәм сәламәтлегендә тайпылыш булган яңа туган сабыйлар өчен тернәкләндерү үзәге функциясен дә башкарачак. Радий Фәрит улы, бу төбәк­тә, чыннан да, инвалид балалар өчен социаль-реабилитация учреждение­ләре булмавын сызык өстенә алды һәм бу башлангычны хуплады. Якын киләчәктә әлеге төзелеш буенча проект әзерләнәчәк.
Салават районының Мөрсәлим авылында төбәк җитәкчесе “Боксити” оешма­сының агач кабул итү һәм аны читкә озату эшчәнлеге белән танышты. Аның эше тимер юлы ярдәмендә Башкортстан­ның төрле төбәкләренә агач озатуга юнәлтелгән. Бу юл белән транспортлауга 7 миллион сум акча тотынылган бул­ган. Район хакимияте башлыгы Марс Кашапов билге­ләвенчә, һәр елны 150 мең кубик метр агач җитеш­терелә. Үткән айда гына моннан 18 вагон агач төяп озатылган. Әмма агачны башка төбәккә чыгару зур чыгымнар таләп итә. Вагоннарны читкә озату өчен 3 миллион сум акча тотыныла. Агач калдыкларын арытаба эшкәртүне оештыру кирәклеге дә көн кебек ачык.
Мөрсәлим авылы мәдә­ният йорты да Радий Фәрит улының игътибарыннан читтә калмады. Бинаның мәйданы зур булмаганлыктан, иҗат коллективлары­ның шөгыльләнү мөмкин-лекләре чикле. Бинада күптән ремонт эшләре башкарылмаган. Җитәкче 2019 елда биредә яңа мәдәният учагы калкып чыгачагына ышандырды.
Республика җитәкчесе Лагыр авылындагы коррекцион мәктәптә дә булды. Директор вазыйфасын вакытлыча башкаручы Әлфия Нурмөхәммәтова билгелә­венчә, бүген биредә 55 бала яши. Алар 9нчы сыйныфка кадәр белем ала, аннары укуын махсус белем бирү йортларында дәвам итә. Укытучы һәм тәрбияче-ләрдән тыш, биредә психолог, логопед, социаль педагоглар да эшли. Балаларга уку һәм яшәү өчен барлык уңайлыклар да булдырылган.
Район үзәгендә Радий Фәрит улы Малояз үзәк дәваханәсен дә карады. Биредә районда беренче тапкыр “Ачык регистратура” системасы кертелгән. Аның ярдәмендә авыруларны йөртү һәм дәваханәгә уңай-лы шартларда китерү булдырылган.
Баш табиб Нургали Бикбулатов биредә табибларга кытлык булмавы­ һәм алар­ның квалифкацияле булуы башка өлкәләрдән килүче авыруларны кабул итәргә дә мөмкинлек бирүен ассызыклады. Әмма хәл итәсе мәсьәләләр дә бар. Дәва­ханәгә капиталь ремонт таләп ителә. Радий Фәрит улы аны уртак финанслау тәртибендә үткә­рергә кирәк­леген билге­ләде.

Гөлия Гәрәева.





Басып чыгарырга



  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Фирдус Тямаев - атказанган!
Сегодня, 19:33 :: Мәдәният һәм сәнгать
Фирдус Тямаев - атказанган!
Кыш бабайлар! Парадка!
Сегодня, 17:43 :: Яңалыклар
Кыш бабайлар! Парадка!
Яшә, Торатау!
Сегодня, 17:33 :: Көнүзәк
Яшә, Торатау!
Әйдәүче этнохореографтан – осталык дәресе
Сегодня, 15:36 :: Мәдәният һәм сәнгать
Әйдәүче этнохореографтан – осталык дәресе
Балаларга — дини тәрбия
Сегодня, 15:27 :: Иман
Балаларга — дини тәрбия








Новости русской версии сайта

Яңа номер

143 (25297) от 11 декабря 2018


Игътибар итегез

sendmail

Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Антитеррор

Антитеррор




Рубрикалар




Материаллар архивы












Печать книг

Безнең иске сайтыбыз

Филиалы ГУП РБ ИД
«Республика Башкортостан»