Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Иң тәмлесе – икмәк

Иң тәмлесе – икмәк
16.10.2018 / Календарьда бу көн

Иң тәмлесе – икмәкУйлаганыгыз бармы, нинди тыныч, рәхәт тормышта яшибез. Нәрсә кирәк булса, барысы да бар. Табыннарыбыз мул. Шундый гүзәл чорда яшәгән өчен картәтиләребезгә, картәниләребезгә мең рәхмәт әйтергә тиешбез.

Картәтием Сәяпов Мөхәммәтханиф сугышта булмаган, ләкин шул авыр вакытта үскән. Ул сугыш башланган көнне шулай исенә төшерде: “Әтием Мөхәммәтгали ат сбруйлары ясау, тире иләү остасы иде. 22 июнь көнне икебез Әңгәсәк авылы базарына бардык. Кич җитәрәк, базар уртасына өстәл чыгарып куйдылар. Берәү шунда басып, Германиянең безнең илгә каршы сугыш башлаганын әйтте. Базарга нәрсә өчен килгәнне дә онытып, авылга кайтып киттек. Анда кемнәргәдер повестка килгән. Шул көнне күп авылдашларны фронтка алдылар. Ул елны көзге эшләр беткәч, бик соң гына укый башладык. Дәфтәрләр барыбызга да җитми, китап битләренә буш юлларга языштык. Имән чикләвеген изеп, корым өстәп, каралы була идек.
1941 елда арыш уңды. Колхоздагы 240 атның 102се генә калды, калганнарын фронтка алдылар. Авыл хуҗалыгы эшләрен башкару белән бергә йөкләмәләр үтәргә мәҗбүр булдык. Ай саен кипкән бәрәңге, ит, каймак, 100 данә йомырка, 2 сарык яки кәҗә тиресе, 1 килограмм сарык йоны, кәҗә, сыер сөте тапшырырга тиеш идек.
Шуннан соң төрле салымнар китә. Мәҗбүри страховкалау, авыл Советы тарафыннан “самообложение” салымы кертелде. Иң авыры – вакытлыча заемнарны түләү иде. Алар 10 сумнан башлап 100 сумга кадәр булды. Безне 5нче сыйныфтан ук колхоз эшенә алдылар. Фронтка посылкалар җибәрүне оештыралар иде. Бөтен нәрсәнең фронтка озатылуын аңлый идек. Каршы килгән кеше юк, барыбыз да бердәм булып җиңү көнен көттек.
Сугыш беткәч тә тормыш тиз генә җайланмады. Ачлык елларында черегән бәрәңге ашадык. Нинди авыр чорда яшәсәк тә төшенкелеккә бирелмәдек. Кичләрен күршеләр белән җыелышып гармунда, тальянда уйный идек.
Шундый чорда яшәгәнгә, картәтием мине бәләкәйдән үк һәр нәрсәнең кадерен белергә өйрәтте. “Улым, әйт әле дөньяда иң тәмлесе нәрсә ул?” – дип сорый иде. Мин кәнфит, печенье, дип санап китәм. “Юк, улым, иң тәмлесе – икмәк, онытма шуны”, – дип әйткәне нык истә калган. Картәтием инде бу дөньяда юк, урыны оҗмахта булсын.
Әйе, ничек кенә булса да, җиңел тормышта яшибез. Нинди генә тәмле ризык ашамыйбыз да, нинди генә кием кимибез. Кесә телефоны, телевизор, кер юу машинаcы – барысы да бар. Машиналарның да ниндие генә юк. Булганның кадерен белеп, эшне җиренә җиткереп башкарып, бер-беребезне саклап яшисе генә бар. Алдагы тормышыбыз да шулай тыныч булсын. Сугыш булмасын, күк йөзе тыныч торсын.
Картәтием, мин хәзер дөрес җавапны беләм: “Дөньяда иң тәмлесе – икмәк”. Бу хакыйкатьне бүген – Икмәк көнендә генә түгел, һәрвакыт хәтердә тотарга тиешбез.

Ример НАСРЕТДИНОВ.





Басып чыгарырга



  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Яңа балалар тудыру йорты булачак
Вчера, 22:07 :: Сәламәтлек саклау
Яңа балалар тудыру йорты булачак
Ярдәм булачак!
Вчера, 21:20 :: Сәясәт
Ярдәм булачак!
Башкортстан -- лидерлыкта!
Вчера, 20:45 :: Җәмгыять
Башкортстан -- лидерлыкта!
Айдар Галимов, арт-футбол һәм “БашСтар”
Вчера, 16:17 :: Мәдәният һәм сәнгать
Айдар Галимов, арт-футбол һәм “БашСтар”








Новости русской версии сайта

Яңа номер

145 (25299) от 14 декабря 2018


Игътибар итегез

sendmail

Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Антитеррор

Антитеррор




Рубрикалар




Материаллар архивы












Печать книг

Безнең иске сайтыбыз

Филиалы ГУП РБ ИД
«Республика Башкортостан»