Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Уңганнарга көрчек янамый

Уңганнарга көрчек янамый
15.10.2016 / Календарьда бу көн

Уңганнарга  көрчек янамый16 октябрь – Юл хуҗалыгы хезмәткәрләре көне.

Санкцияләр, икътисади кризис үсешкә киртәләр куя. Шул ук вакытта, катлаулы хәл-шартларга карамастан, югары казанышларга ирешүчеләр, башка еллардагы күрсәткечләрне арттыручылар да бар. “Башкиравтодор”ның филиалы булган Күгәрчен Юл төзү һәм төзекләндерү идарәсен дә шундыйлар исәбенә кертергә мөмкин. Бу хакта саннар да сөйли.


Елның тугыз аенда ида­рә 179,1 миллион сумлык төзе­леш-монтаж эшләре башкарган. Шул исәптән, 170,3 миллион сумлык эшләрне күгәр­чен­леләр фәкать үз көчләре белән башкаруга ирешкән. Узган елгы күрсәткечтән бу 15 процентка артыграк. Гому­мән, предприятие ел ахырына кадәр барлыгы 210 миллион сумлык эшләр башкарырга исәп тота. Нәтиҗәдә, күрсәт­кеч, 2015 елныкыннан – 42 процентка артып, еллык план 128 процент тәшкил итә. Мондый югары нәтиҗәләргә ирешү серләре нидә? Күгәрчен юлчылары кайларда хезмәт сала? Предприятие икътисадчысы Җәмил Әпсәләмовтан шул хакта сораштык.

— Куәтле техника, бердәм коллектив Күгәрчен районында гына түгел, Башкортстан төбәкләрендә дә хезмәт салырга мөмкинлек бирә, — диде Җәмил Гайнетдин улы. — Әйтик, быел алты – төбәк, дүрт – муниципаль һәм 12 тышкы заказ объектларында эшләдек. Тө­бәк заказы 135,5 миллион сум күләмендә үтә­леп, предприятиенең тугыз ай эчендәге гомум төзелеш-монтаж эшләре­нең 80 процентын тәшкил итте. Шул исәптән, 87,7 миллион сумга 437,1 чакрым төбәк һәм муниципальара әһәмияттәге автомобиль юллары тәртиптә тотылды.

Әйткәндәй, без Магнитогорск — Ира автомобиль юлының иң озын өлешен — 105 чакрым юлны хезмәт­ләндерәбез. Бу эш­не бик намуслы башкарабыз. Ел ахырына кадәр төбәк заказы буенча 171 миллион сумга җитә­чәк. Төзекләндерелеп, 14,5 чакрым асфальт-бетон өслек­ле юл файдалануга тапшырылды. Магнитогорск — Ира юлы төзек­ләндерелә. Барлыгы 19 чакрым юлга асфальт тү­шә­лә. Күләм мөһим булса да, сыйфат һәрвакыт игътибар үзәгендә кала. Без төзегән, төзеклән­дергән юллар озын гомерле булырга, җәмгыятькә игелек ките­рергә тиеш.

Кешеләрнең иминлеге, тормышның көйле баруы юллар төзеклегенә дә бәйле. Муниципаль заказ юлчылар өчен аеруча зур әһәмияткә ия. Мәгълүм булуынча, һәркем үз өендә тырышыбрак хезмәт сала. Өйдә эш сыйфатына да таләпләр югарырак. Чөнки танышлар, күршеләр, туганнар, урындагы халык эшне кем башкарганын яхшы белә. Кү­гәрченлеләр, чит төбәкләр­дән тыш, туган якларында да игътибарга лаек хезмәт сала. Кү­гәрчен Юл төзү һәм төзек­ләндерү идарәсе югарыда телгә алынган вакытта 32 миллион 466 мең сумлык муниципаль заказ үтәгән. Шул ук вакытта еллык план 36 миллион 358 мең сум тәшкил итә. Ел тәмамланырга ике айдан артык вакыт калса да, еллык план 89 процентка үтәлгән.

Тәгаен эшләргә кил­гәндә, Морак авылы урамнарында 12570 квадрат метр юл асфальтланган. Урындагы әһә­мияткә ия 213,2 чакрым юл югары дәрәҗәдә хезмәт­лән­дерелә. Күптән түгел авыл юлларын төзү федераль программасы буенча Күгәрчен районының Мокас авылына кергән урында 700 метр юл асфальтланган. Күгәрчен районы авылларында 620 мең сумга чокырлар ямалды. Авыл юлларының төзек булуы халык яшәеше өчен зур әһәмияткә ия.

Икътисади кризис шартларында предприятиене, коллективны саклап калу өчен күбрәк эшләү мөһим. Билгеле, сыйфатлы хез­мәт салучылар гына чит төбәкләрдәге объектларга дәгъва итеп, көндәш­ләренең борынына чиртә ала. Күгәрчен юлчылары Башкортстанда да, илдә дә абруй казанган. Шулай булмаса, алар тышкы заказлар буенча еллык планны тугыз айда арттырып үти алырлар идеме? Бик шикле. Саннарга килгәндә, шушы елга тышкы заказ ике миллион сум тәшкил иткән. Югарыда телгә алынган вакыт эчендә 2354 мең сумлык эшләр башкарылган. Ягъни, план 118 процентка үтәлгән. Гомумән, ел ахырына 2 миллион 474 мең сумлык эш башкарып, еллык планны 124 процентка үтәү күздә тотыла. Объектлар исемлегендә Бөр­җән райо­нының Котан авылындагы мәктәп территориясе, Сапык — Сатлык, Әрдәт — Башкорт Бөркете автомобиль юлларындагы күперләренә асфальт түшәү эшләре дә бар.

Шулай ук, күгәрченлеләр башка төбәкләрдәге юлчыларны чимал белән тәэмин итүгә дә зур өлеш керткән. Атап әйткәндә, “Башкиравтодор” филиалларына барлыгы җиде миллион сумнан артык продукция сатылган. Вак ташка, ташка, ком-гравий, асфальт-бетон катнашмаларына их­тыяҗ аеруча зур булган. 4 мил­лион сумга “Башкиравтодор” филиалларына продукция бирелә. Кирәк чакта ярдәм кулы сузу – юлчыларның канында. Күгәр­ченлеләр техника белән 1,5 миллион сумлык хезмәт күрсәткән.

Аңлашыла, һәр пред­прия­тиедә кеше капиталы игътибар үзәгендә. Коллектив бердәм һәм тырыш булмаса, бернинди техника да, техноло­гияләр дә югары нәтиҗә бирми. Җәмил Гайнетдин улы бер төркем хезмәт алдынгыларын мактап телгә алды. Водительләр Мохтар Мусин, Марсель Нуралин, Айдар Искужин, Эльвир Кинҗә­була­тов үрнәкле хез­мәт күрсәтә. Төягеч машинисты Самат Байдәүләтов, юл эшләре мастерлары Рәис Вәлитов белән Илнур Кинҗә­булатов, асфальт түшәгеч машинисты Илнур Гыйбадуллин иң катлаулы эшне дә җиренә җиткереп башкаралар. Пред­приятиедә хезмәт салучы башкаларның да хезмәте югары бәһагә лаек, шулай булма­са, югары казанышларга ирешеп булмас иде.

Икътисади кризис яңа сынаулар алдына куя. Күре­нүен-чә, катлаулы хәл-шартларда да үсешергә мөмкин икән. Мо­ның өчен, барыннан да биг­рәк, тырышлык һәм максатка омтылу таләп ителә. Кү­гәрчен­леләрнең тырыш хезмәт нәти­җәсе — моңа ачык мисал.






Басып чыгарырга


  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Картинка Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Вчера, 19:16 :: Мәдәният һәм сәнгать
"Кәҗүл читек", "Ләйлә вә Мәҗнүн"...
Сибайда республиканың 100 еллыгын бәйрәм иттеләр
Вчера, 18:31 :: Башкортстанга - 100 ел!
Сибайда республиканың 100 еллыгын бәйрәм иттеләр
Дәүләт урындагы үзидарәгә таяна
Вчера, 13:19 :: Яңалыклар
Дәүләт урындагы үзидарәгә таяна




Новости русской версии сайта



Яңа номер

46 (25350) от 19 апреля 2019


Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Игътибар итегез

Журнал Тулпар

Антитеррор




Рубрикалар




Материаллар архивы










Печать книг

Безнең иске сайтыбыз

Филиалы ГУП РБ ИД
«Республика Башкортостан»