Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга

12.04: Пират

ПиратНәсел үгезенә очрасаң, кузгалган билең ничек төзәлүен сизми дә каласың икән...

Минем иң якын дустымның исеме – Толик. Чуваш милләтеннән ул. Татарча да белә, урыс телендә дә яхшы сөйләшә, ә математикадан барыбыздан да уздыра. Алар безнең авыл башында, Чияле тау буенда торалар. Абыйсы Гришка колхозда тракторда эшли.


Бер көнне Гришканың биле кузгалды: ятса – тора алмый, торса – ята алмый гына бит. Мондый хәлгә бер дә калганы юк иде әле аның. Коты очып, авылның фельдшеры Асия апага шалтыратты. Ә Асия апа – авыл хакимияте башлыгыннан кала, иң кирәкле кеше. Төчкерсәләр дә, аның янына чабалар. Менә әле дә кичектермәс эше бар икән. “Берәр сәгатьтән, тора алсаң, капка төбенә чык. Силсәвиттән машина сорармын, бәлки больницага илтергә туры килер,” – диде. Бер сәгать буена түзеп була димени, ничек итсә итте, торып басты Гришка. Бер сантиметрга да уңга-сулга иелмәсәң, бөгелмәсәң, туры гына атлаганда йөреп тә була икән. Вакыт җитүгә, кешелеккә кия торган иң матур кызыл күлмәген киде дә, капка төбенә чыкты. Бер 15-20 минут чамасы вакыт үткәндер, юк кына бит Асия апа. Аяклары арыды, утырасы килә, ләкин ярамый. Әкрен генә медпункт ягына таба барырга булды.
Тыкрык башына гына җиткән иде, ни күзе белән күрсен: күршедә яшәүче фермерның нәсел үгезе Пират килә. Тагын киртәсен җимереп чыгып качкан инде бу. Аның кызгылт-кара тәлинкә кебек зур күзләренең бөтен дөньяга ачу белән караганын ерактан ук шәйләде Гриша. “Бу мал белән очрашмавың хәерле!” – дигән уй башына барып җитәрдән алданрак, аякларына оялап, элдертте генә урам буйлап. Пиратка җитә калды. Кызыл төсне күрсә, күңеле бик тә күтәрелә аның. Үзенә иш табылуына шатланып, кызышып-кызышып куышлы уйнарга ниятләде. Бер урамны чабышып үтеп, икенчесенә борылдылар. “Нишләргә? Нишләргә? Мөгезенә эләксәң – харап!” Әнә бит Халитләрнең капкасы ачык. Очып дигәндәй килгән җиреннән бәрәңге бакчасы белән утар арасындагы капка аша сикереп чыкканын сизми дә калды егет. Ындырга үтеп, үзләренең бакчасы аша чаптырып кайтып, хәлдән таеп, иртән яткан җиренә ауды.
Тын алуы иркенәя төшүгә телефон шалтырады: “Мин юлга чыгам, торырга тырыш инде,” – диде Асия апа. Гриша чирләве турында бөтенләй оныткан иде бу минутта. “Ә, ни, Асия апа, хәзер,” – дип кенә әйтә алды. Аннары сикереп торды да, фельдшерны капка төбенә чыгып каршы алды. Түкми-чәчми Пиратның бил кузгалудан ничек терелткәнен сөйләп бирде. Шуннан бирле чирләгәне юк Гришканың.

Лилия КАШАПОВА-ИСКУЖИНА.
Туймазы районы,
Серафимовка авылы.





Басып чыгарырга



Миңнеяр абзый – сихерче
Сегодня, 00:00 :: Дөнья бу...
Миңнеяр абзый – сихерче
“Авылны онытырга ярамый!..”
16-07-2018 :: Дөнья бу...
“Авылны онытырга ярамый!..”
Кияү балакай
13-07-2018 :: Дөнья бу...
Кияү балакай
Хөснияр качкын
12-07-2018 :: Дөнья бу...
Хөснияр качкын
Үткәнгә юллар юк
6-07-2018 :: Дөнья бу...
Үткәнгә юллар юк
Тетрәнү
5-07-2018 :: Дөнья бу...
Тетрәнү
Яр бер генә була ул..
3-07-2018 :: Дөнья бу...
Яр бер генә була ул..
  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных









Новости русской версии сайта

Яңа номер

Вступить в нашу группу Вконтакте


sendmail


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF




Антитеррор

Антитеррор




Рубрикалар




Материаллар архивы


Гәзит номеры
Номерлар










Печать книг

Безнең иске сайтыбыз

Филиалы ГУП РБ ИД
«Республика Башкортостан»