Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
/ / Урманның да күзе бар

28.02: Урманның да күзе бар

Урманның да күзе барМоны үз күзләрем белән күрдем.

Уфада югары уку йортында укып йөргән чагым иде. Башкалада яшәүче бер төркемдәшем бакчаларына ялга чакырды. Сыра, азык-төлек төяп бер көтү егет һәм кыз, Уфа шау-шуын калдырып тору мөмкинчелеге тууга шатлана-шатлана, аңа иярдек.


Барып җиттек. Яшь күңелгә дүрт сутыйлык бакча территориясе генә җитәмени инде, янәшәдәге урманга чыгарга булдык. Урман буена барып урнашып, табын корып, учак ягып җибәрдек. Эңгер төшә башлады. Бервакыт беребез учак янындагы бер агачта күзгә охшаган сәер нәрсәнең безгә карап торуын әйтте. Җыелышып көлешә-көлешә ул күз сыман нәрсәне карадык. Мин фотога да төшереп алган булдым. “Урман иясенең сыра эчәсе килгәндер”, – дип шаярткан булабыз. Шаярышып эчкә керми генә урман буенда качышлы уйнарга тотындык. Берәү кача – калганнар эзли. Минем качар чират җитте. Качтым, тик нигәдер эзләүчеләр күренми. Бервакыт артымда кемдер бар кебек тоелгач әйләнеп карасам, бер агачта теге күзгә охшаган нәрсә миңа карап тора. Иптәшләремә кычкырырга итәм – тавышым чыкмый, аякка тимер таккан кебек, җирдән кузгатып булмый. Ни кузгалалмыйм, ни кычкыралмыйм, ни иптәшләр күзгә чалынмый. Шабыр тиргә баттым. Әбием өйрәткән догаларымны укырга керештем. Бервакыт аякларым җиңеләеп китте – урынымнан куптым. Шау-гөр килеп иптәшләрем сырып алды. Алар минем күзгә, мин алар күзенә күренмәгән­мен, ә бит учактан бер­ничә адым гына читтә булганмын. Тавышлар да үзара ишетелмәгән. Агачтагы күз дә юкка чыккан иде.

Ул сәер вакыйганы авылыма кайткач әбиемә сөйләдем. “Урман иясе булган ул. Тынычлыгын бозуыгызны ошатмагандыр. Ярар әле берәре­гезнең башына ботак төшермәгән яки чыбык белән күзегезне чыгармаган. Ярар, сезнең өчен аннан гафу үтенеп дога укырмын”, – диде ул.

Ул көннәрдән соң шактый сулар акты. Мин ул хакта беркемгә дә сөйләмәдем. Теге күзне төшергән фотомны хәтта пикникта бергә булган дусларыма да күрсәт­мәдем. “Ул фотосурәт чыкмады”, – дип алдадым. Инде менә бүген килеп шул серне чишеп фотоны сезгә дә күрсәтергә булдым. Теләгем шул: кайда гына булсагыз да кешелек сыйфатларыгызны югалтмагыз, табигатьне рәнҗетмәгез. Ата-бабаларыбыз: “Урманның да күзе бар”, – дип юкка әйтмәгән ул.





Басып чыгарырга



Миңнеяр абзый – сихерче
19-07-2018 :: Дөнья бу...
Миңнеяр абзый – сихерче
“Авылны онытырга ярамый!..”
16-07-2018 :: Дөнья бу...
“Авылны онытырга ярамый!..”
Кияү балакай
13-07-2018 :: Дөнья бу...
Кияү балакай
Хөснияр качкын
12-07-2018 :: Дөнья бу...
Хөснияр качкын
Үткәнгә юллар юк
6-07-2018 :: Дөнья бу...
Үткәнгә юллар юк
Тетрәнү
5-07-2018 :: Дөнья бу...
Тетрәнү
  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных









Новости русской версии сайта

Яңа номер

Вступить в нашу группу Вконтакте


sendmail


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF




Антитеррор

Антитеррор




Рубрикалар




Материаллар архивы


Гәзит номеры
Номерлар










Печать книг

Безнең иске сайтыбыз

Филиалы ГУП РБ ИД
«Республика Башкортостан»