Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Моңсу көздә, гүя, үзе кайтты

Моңсу көздә, гүя, үзе кайтты
28.10.2014 / Мәдәният һәм сәнгать

Моңсу көздә,  гүя, үзе кайттыХалык шагыйренең исемен йөртүче театр быел ике зур вакыйга кичерде. Берсе театрның 25нче иҗат сезонының шушы түгәрәк дата шартларында ачылуына бәйле булса, икенчесе — исемен йөрткән олуг шагыйрьнең тууына 95 ел тулу уңаеннан үткән искә алу кичәсе.

Милли яшьләр театры коллективы Мостай Кәримнең юби­лее уңаеннан үткән кон­ференцияләр, очрашулар, шагыйрьнең иҗатына багышланган укулар кебек барлык мөһим чараларда да актив катнашты. Шушы чаралар кысаларында артистлар ша­гыйрь­нең һәйкәленә чәчәкләр салды, аның бай эчтәлекле иҗатына мөрәҗәгать итеп, ялкынлы шигырьләрен тамашачыга укып ишеттерде.
Сәхнә түреннән бу кичәдә бөек әдип үзе елмаеп карап торды. Бер тынып калган, бер талгын гына агылучы музыка уңаена Мостай Кәримнең әйткән сүзләре, язган ши­гырь­ләре, җырлары яңгырады, алар арасында әсәрләрдән өзекләр сәхнә­ләштерелде. Башкорт­станның атказанган артистлары Людмила Воротникова Әни образын гәүдә­ләндерде, Венер Камалов җырлар башкарды, Гөлшат Гайсина хатын-кыз образында сәхнәне бизәде, театрлаштырылган тамашада Марат Корбангалиев, Рәмзил Сәлманов һәм Андрей Максимов катнаштылар.
Кичәгә Мостай Кәримнең иҗатташ дуслары, әдипләр, туганнары һәм якын кешеләре дә килгән иде. Алар тарафыннан бик күп җылы сүзләр әйтелде. Мостай Кәримнең кызы Әлфия ханым әтисен юксыну сүзләре белән искә алды:
— Бу кичә безне әтиебез белән очраштыргандай булды. Сәхнәдән аның сүзләре, аның шигырьләре, җырлары яң­гырады. Укучылары, якын кешеләре аны ярата иде. Ул моны тоеп, шуңа илһамланып яшәде.Сез аны аңлыйсыз, ихтирам итәсез, яратасыз. Рәхмәт сезгә шушы мәхәббәт өчен, — диде ул чыгышында.
Шагыйрьнең улы Илгиз Мостафа улы, шулай ук, хати­рәләрен яңартты һәм әтисе белән бәйле истәлекле урыннар турында сөйләде.
Шагыйрьне искә алу кичәсеннән һәркем рухи баеп таралышты.






Басып чыгарырга


  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Лыгырдама инде, пажалысты!..
Сегодня, 12:18 :: Яңалыклар
Лыгырдама инде, пажалысты!..
Торак төзү артачак
Сегодня, 11:52 :: Сәясәт
Торак төзү артачак
Исемлекне ашап котылырга уйлаган
Сегодня, 11:52 :: Җәмгыять
Исемлекне ашап котылырга уйлаган
Законлаштырылмаганмы? Юк итәргә!
Сегодня, 11:15 :: Җәмгыять
Законлаштырылмаганмы? Юк итәргә!
142 килограммга ябыккан
Сегодня, 10:48 :: Сәламәтлек саклау
142 килограммга ябыккан
Экспорт сәгате сукты!
Сегодня, 10:45 :: Икътисад
Экспорт сәгате сукты!




Новости русской версии сайта



Яңа номер

20 (25324) от 19 февраля 2019


Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Игътибар итегез

Журнал Тулпар

Антитеррор




Рубрикалар




Материаллар архивы










Печать книг

Безнең иске сайтыбыз

Филиалы ГУП РБ ИД
«Республика Башкортостан»