Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Дим буенда яңгырады милли моңнар

Дим буенда яңгырады милли моңнар
19.04.2018 / Милләт

Дим буенда яңгырады милли моңнарӘлшәй районының Ташлы авылында башкорт җырын башкаручылар фестивале үтте.

Әлшәй районында башкорт халык иҗаты үрнәкләрен саклау, фольклор комарткыларын киләчәк буыннарга җиткерү максатында күп кенә мәдәни чаралар оештырыла. Атап әйткәндә, 2009 елдан башлап, төбәкнең иң күркәм авылларының берсе булган Ташлы авылында Дим-Өршәк төбәге башкорт халык җырларын башкаручыларның конкурс-фестивале үткәрелә. Халык җырларын сөючеләр арасында зур популярлык яулаган фольклор бәйгесе быел “Дим моңы-2018” дип аталды.


Халык җырлары фести­валенең Ташлы авылында оештырылуының тарихи-мәдәни җирлеге бар, әл­бәттә. Биредә күренекле шәхесләрдән билгеле башкорт язучысы Рәис Низамов, Русия Герое Баян Нәфыйков һәм башкорт халык җырларын өйрәнүче фольклорчы галим Нигъмәт Шоңкаров туып-үскәннәр. Әйткәндәй, 2013 елдан башкорт халык җырларын башкаручыларның конкурс-фестивале Нигъмәт Шоң­каров исеме астында үтә.
— Милли мәдәниятләр һәм телләр хәзерге чорда һич булмаганча яклауга мох­таҗ, — ди Әлшәй районы хакимиятенең мәдә­ният бүлеге җитәкчесе Миргасыйм Әкимбәтов. — Халык җырларын башкару­чы­ларның “Дим моңы” конкурс-фестиваленең төп максаты булып халык иҗаты энҗеләрен әнә шулай эзләп табып, халыкка кайтару тора да инде. Бер үк вакытта иҗади бәйге үзешчән артистларның һөнәри осталыгын арттыруны да күздә тота. Фольклор фестива­ленең кыска гына тарихы янә шуны да күрсәтте: конкурста яңа талантлар, яңа исемнәр ачыла. Моңа өс­тәп, шуны да әйтер идем: халык иҗаты бәйрәме яшь буында халыкның тарихи үткәненә зур кызыксыну тудыру белән дә әһәмиятле. Гомум алганда, төп максат —Дим-Өршәк буе башкорт­ларының халык авыз иҗа­тының бай үзенчәлек­ләрен саклап калу.
Ташлы авыл мәдәният йортында уздырылган башкорт халык җырлары фестивален оештыручылар сыйфатында Башкортстан Мәдәният министрлыгы, Халык иҗаты республика үзә­ге, аның Бәләбәй филиалы һәм Әлшәй районы хакимияте чыгыш ясый.
Бу урында шуны да билгеләп үтик: бәйрәм ху­җалары иҗади бәйгене әзерләүгә, аның эчтәлеген баетуга һәр елны зур көч сала. Мәдәният йортында халык иҗатына, күренекле якташларга багышланган күргәзмәләр оештырылган иде. Районның үзешчән сәнгать осталары, мәдәният йортының иҗади коллективы фестивальнең бәйрәмчә рухын күтәрү өчен яңа алым­нар куллана. Быелгы чараның, мәсәлән, “Гөл­нәзирә” һәм “Замана” фольк­лор ансамбльләре чыгышлары белән ачылуы да шактый отышлы килеп чыкты.
“Дим моңы-2018” конкурсында Әлшәй, Бишбү­ләк, Дәүләкән һәм Миякә районнарыннан утыздан артык башкаручы катнашты, бәйге 16 яшькә кадәр һәм аннан өлкәнрәк төркем­нәрдә ике турда үткәрелде. Конкурсантларга куелган таләпләр башкорт җыры фестиваленең үзенчәлек­ләреннән чыга. Атап әйт­кәндә, һәр башкаручы репертуарында сирәк очраучы халык җырлары булырга тиеш иде. Моңа өстәп, конкурсантлардан җырның туу тарихына байкау ясау соралды, чыганакларны күр­сәтү дә мотлак таләп итеп куелды. Конкурс-фести­валь­нең һөнәри яктан югары дәрәҗәсен аның жюри составында Башкорт­стан­ның күренекле фольклорчы-галиме, Салават Юлаев исемендәге дәүләт премиясе лауреаты Розалия Сол-тангәрәева, республика Халык иҗаты үзәге белгеч­ләре Гөлгенә Баймурзина, Наилә Якупова һәм Юлай Үзәнбаев булуы билгеләде.
Халык җыры бәйгесенең йомгаклары буенча конкурс-фестиваль җиңүчеләре арасында призлы урыннарны, нигездә, Әлшәй районы вәкилләре яулады. Атап әйткәндә, беренче урын Шакир Зариповка бирелсә, икенче урынны Талия Миң­негулова һәм Гөлгенә Татлыбаева бүлештеләр. Өчен­че урынга Миякәдән Элина Латыйпова һәм Лилия Азнагулова, Әлшәйдән Наилә Шәрипова чыкты. Яшь башкаручылар арасында беренчелекне Әл-шәйдән 7 яшьлек Рамазан Садыйков, икенче урынны шулай ук Әлшәйдән Венера Хәбибуллина (14 яшь), өченче урынны Бишбүләк­тән Илзидә Хәбибуллина (15 яшь) яуладылар.
“Дим моңы-2018” фес­тиваленең иң югары бүләге саналучы Гран-при Әлшәй районының Никифар авылы вәкиле Илһам Фазыловка тапшырылды.

Фәнүр ГЫЙЛЬМАНОВ,
“Кызыл таң”ның үз хәбәрчесе.






Басып чыгарырга


  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Картинка Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Ваһапов фестивален Башкортстан җырчылары баета
Вчера, 21:36 :: Мәдәният һәм сәнгать
Ваһапов фестивален Башкортстан җырчылары баета
Кырымдагы форум яңа мөмкинлекләр ача
Вчера, 19:32 :: Сәламәтлек саклау
Кырымдагы форум яңа мөмкинлекләр ача




Новости русской версии сайта



Яңа номер

46 (25350) от 19 апреля 2019


Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Игътибар итегез

Журнал Тулпар

Антитеррор




Рубрикалар




Материаллар архивы










Печать книг

Безнең иске сайтыбыз

Филиалы ГУП РБ ИД
«Республика Башкортостан»