Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Казахстанга - сабантуйга!

Казахстанга - сабантуйга!
26.06.2018 / Милләт

Казахстанга - сабантуйга!Туймазы районы үзешчәннәре Казахстанда сабантуйда булып кайтты.

Сабантуй – елның котлы булуын теләп, сагынып көтеп алынган бәйрәм. Гасырлар дәвамында билгеләнгән әлеге йола бүгенге көнгә кадәр үзенең әһәмиятен югалтмаган. Туган телебез, газиз җырларыбыз кебек, бу бәйрәм дә халкыбызның рухи бердәмлеген ныгыта.

Бу көч безне туган җирдән еракларда яшәүчеләр белән дә бәйләп тора. Быел безне, Туймазы районы, Урмәкәй авылы “Асылъяр” фольклор төркемен, Казахстан өлкәсе Уральск шәһәренең Милли татар иҗтимагый үзәге сабантуйга кунакка чакырды.

Коллективка 13 кеше йөри, алар – өлкән яшьтәге ханымнар, районда үткәрелгән барлык смотр-конкурсларда катнашып, уңышларга ирештек. Күптән түгел Кушнаренко районында үткән республика фольклор фестивалендә халкыбызның милли гореф-гадәтләрен саклаган өчен дипломга лаек булдык.

Район хакимияте, мәдәният бүлеге җитәкчеләре hәм ветераннар советы безгә бик зур ярдәм күрсәтте, үзләрнең киңәшләрен биреп озатып калдылар. Районыбызның хөрмәтле кешеләре И. С. Саниев, И. Г. Миңнебаев, Ф.Г. Галимов чын күңелдән ярдәм кулы сузды.

Ниһаять, без Уральск шәhәренә юл алдык. Русия белән Казахстан чигендә шушы илдә яшәүче милләттәшләребез каршы алды. Шул ук көнне казах драма театрында чыгыш ясадык. 400 кешелек зал тулы иде. Без аларга “Мичкә ут керде, өйгә кот керде” дигән кечкенә спектакль hәм концерт күрсәттек.

Казахстанга - сабантуйга!


Безнең белән артистлар: Туймазы татар дәүләт театрыннан – Рима Ключарева, Уфа “Нур” татар дәүләт театрыннан Лина Ганиева hәм Лилия Таҗетдинова барды. Чыгышларыбыз милләттәшләребез күңеленә хуш килде. Концертыбызны бөек татар шагыйре Габдулла Тукайның “Туган тел” җырын бөтен зал белән бергәләп җырлап тәмамладык. Казахстанда яшәүче милләттәшләребезнең һәркайсы килеп исәнләшергә, рәхмәтләрен белдерергә ашыкты. Халык бик озак таралмады, бергәләп биеп-җырлап таралыштык.

Икенче көнне ял паркында халык дәррәү сабантуйга җыелды. Парк Чаган елгасы буенда, бик матур урында урнашкан. Уральск шәhәренең Татар иҗтимагый үзәге җитәкчесе Флюра Миликаева, Татарстанның атказанган мәдәният хезмәткәре Эльмира Әмирова җитәкчелегендә искиткеч матур сабантуй оештырылган.

5-6 яшьлек сабыйлардан алып 80-90 яшьлек әби-бабайларга кадәр саф татар телендә җырлап-биеп күңел ачтылар. Безнең чыгышыбызны да көчле алкышларга күмделәр. Бүләкләр, Рәхмәт хатлары тапшырдылар. Сабантуйдан соң, хезмәт hәм сугыш ветераннары белән бергә безгә сый-хөрмәт күрсәттеләр.

Арытаба Габдулла Тукай эзләре буйлап сәяхәткә чакырдылар. Халкыбызның бөек шагыйре Уральск шәhәрендә 12 ел яшәгән, мәдрәсәдә укыган, типографиядә эшләгән. Шушы дәвердә бөек шагыйрь булып өлгергән. Тукай музеенда булып, шагыйрь турында бик күп мәгълүмат алып кайттык. Мәчеттә Коръән укыттык, аны Г. Тукай hәм Туймазы районының шәрәфле шәхесе Гали Хикмәтуллин рухына багышладык. Ул Тукай белән бергә мәдрәсәдә укыган, аның бик якын дусты булган.

Шулай итеп без, Үрмәкәй әбиләре, “Асылъяр” фольклор төркеме белән, бик зур хөрмәтләр күреп, милләттәшләребез белән дуслык күперен, туганлык җепләрен тагын да ныгытып, бик бай тәэссоратлар алып, йөреп кайттык.

Т. АБДЕРАХМАНОВА, “Асылъяр” төркеме җитәкчесе,
Г. ӘХМӘТҖАНОВА, Үрмәкәй клубы мөдире.

Фото "Асылъяр" коллективы архивыннан алынды.






Басып чыгарырга


  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Сегодня, 12:52 :: Сәясәт
"Керү белән асылынасы килмәсен!"
Иннек-кершән нишләтә!
Сегодня, 12:49 :: Мин – хатын-кыз
Иннек-кершән нишләтә!
Сегодня, 12:47 :: Сәясәт
"Мин 70 дигәнмен икән, димәк, 70!"
Сегодня, 12:45 :: Яңалыклар
"Тәпи-тәпи атлап барыгыз!"




Новости русской версии сайта



Яңа номер

19 (25323) от 15 февраля 2019


Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Игътибар итегез

Журнал Тулпар

Антитеррор




Рубрикалар




Материаллар архивы










Печать книг

Безнең иске сайтыбыз

Филиалы ГУП РБ ИД
«Республика Башкортостан»