Ясминә – «Бодрый»ның горурлыгы

- СВО гаиләгә мөнәсәбәтне ничек үзгәртте?
– Монда, алгы сызыкта, гаиләнең кыйммәтен чын-чынлап аңлыйсың. Иң авыры – балалар тормышының мөһим этапларын калдырып китүемне аңлау. Якыннарынңан һәрбер хәбәр, һәр бала рәсеме – саф һава йотымы кебек. Бу грамоталы эш итәргә иң яхшы мотивация. Район хакимияте башлыгы киңәшчесе Тәнзил Исламовның килүе аеруча күңелле. Аның телефоны анда да шалтыратулардан тынып тормый. Ул билгеләп үткәнчә, туган җирләреннән ярдәм һәр солдатка һәрвакыт барып җитсен, алар үзләре турында хәтерләгәннәрен һәм ярдәм иткәннәрен белсен өчен шулай эшләргә тырыша. «Масксеть, өйдән посылка – әйберләр белән йөк кенә түгел, бу безнең ярдәм һәм кайгырту символы, — дип өстәде ул.
Бигрәк тә кызым Ясминәнең иптәш кызлары белән безгә кирәкле маскировка челтәрен әзерләве күңелне кузгатты! Бу бәяләп беткесез!
Өйдән мондый "сәлам" килгәч, үзеңне тук кына түгел, ә чын-чынлап ышанычлы һәм якланган итеп хис итәсең. Аңлыйсың – өйдә сине хәтерлиләр, борчылалар һәм көтәләр.
– Сез хәзер үз гаиләгезгә нәрсә әйтер идегез?
– Мин аларны бик яратам. Монда эшләгәннәрнең барысы да — алар тыныч кына яши, укый, шатлана алсын өчен. Минем кызым, улларым сугышның нәрсә икәнен беркайчан да белмәсеннәр өчен. Минималь югалтулар белән хәрби бурычны үтәү һәм шәхси составның гомерен саклап калу — абсолют өстенлек. Хәзер барысы да бербөтен булып берләште. Хокук саклау органнарында үткән хезмәтемдә мин ил эчендә законны якладым, ә хәзерге бурыч — Ватаныбыз чикләрен саклау. Бу - бер бурычның ике ягы. Безнең уртак максатыбыз – Җиңү. Башка юл юк. Без үз җиребезне, якыннарыбызны һәм дәүләтебезне саклыйбыз. Балаларыбыз тыныч күк астында яшәсен өчен нык торырга тиешбез. Һәм без моның өчен барысын да эшләячәкбез.
«Бодрый» махсус хәрби операция уздыру барышында күрсәткән батырлыгы һәм профессиональлеге өчен Башкортстан Республикасының Шәйморатов медале, Росгвардиянең ведомство бүләкләре белән бүләкләнгән.

Фото: "Башинформ"