Килешүгә янә бишәү кушылды

"Киртәләрне җиңеп" III Бөтенроссия форум-күргәзмәсе кырларында эш процессларына инклюзив практикалар кертү һәм инклюзия өлкәсендә гамәлдәге проектларны гамәлгә ашыруны дәвам итү нияте турында Эшкуарлык һәм туризм министрлыгы, «Гидравлика» Уфа агрегат предприятиесе, «Газпром газораспределение Уфа" җәмгыятенең Уфа филиалы, Ишембай машина төзелеше заводы һәм Куватовның адаптив тергезү һәм физик культура үзәге кул куйдылар. Шулай итеп, әлеге проектка Башкортстанның 75 компаниясе кушылды, шуның белән илнең инклюзив проектларын үстерүгә төбәкнең керткән өлеше буенча лидерлык позицияләрен ныгытты.

- Бу безнең төбәк эш бирүчеләренең инвалидлар өчен товарлардан, хезмәтләрдән һәм сервислардан файдалану мөмкинлеген арттыруның мөһимлеген тануы турында сөйли. Милли инклюзив килешүгә кушылып, алар өстәмә ихтыяҗлары булган кешеләргә мөмкинлекләр булдыру теләге турында белдерә. Бүген республикада хезмәт яшендәге 93 меңнән артык инвалид бар һәм аларның күбесе, уңайлы шартлар булдырылганда, эшли ала, – дип сөйләде Башкортстанның гаилә, хезмәт һәм халыкны социаль яклау министры вазыйфасын башкаручы Ленара Иванова.

«Барысы өчен дә ачык» проектында катнашучылар инвалид кешеләрне социаль-икътисади тормышка җәлеп итүгә юнәлтелгән гамәлләрне тормышка ашыра. Бу гамәлләр сәламәтлекләре үзенчәлекле кешеләргә белем алырга, эш табарга, сәяхәт итәргә, спорт белән шөгыльләнергә ярдәм итә.