"Төбәк" программасы нәтиҗәле эшли

Кредит акчаларын предприятиенең җитештерү куәтләрен модернизацияләүгә куллану планлаштырыла. Өстәмә инвестицияләр 17 берәмлек су чистарту комплексын һәм 15 берәмлек насос станциясен 689,4 млн сумнан ким булмаган суммага җитештерергә мөмкинлек бирәчәк. Шул ук вакытта проектны гамәлгә ашырудан салым керемнәре күләме 83,1 млн сум тәшкил итәргә тиеш. Предприятие тарафыннан югары җитештерүчәнлектәге бер яңа эш урыны булдыру планлаштырыла.

Башкортстан Республикасының Сәнәгатьне үстерү фонды тарафыннан кулланыла торган «Төбәк» республика программасы буенча озак сроклы заем рәвешендәге ташламалы финанслау механизмы җитештерүче предприятиегә үзенең инвестиция планнарын биш елга кадәр срокка, заем буенча бирелә торган тәэминатка бәйле рәвештә, 1 елдан 3 елга кадәр процент ставкасында гамәлгә ашыру өчен финанс ресурсларын җәлеп итәргә мөмкинлек бирә. Моннан тыш, заемнан файдалану чорында предприятиегә беренче өч ел дәвамында төп бурычны түләү буенча ташлама вакыты бирелә. Калган ике еллык чорда предприятие квартал саен тигез өлешләр белән заем буенча бурычны түли, бу финанс ресурсларын куллануның уңайлы шартларын тәэмин итә, - диде Башкортстанның Сәнәгатьне үстерү фонды генеральный директоры Әнвәр Кәримов.

Фото: Башкортстан Хөкүмәте