“Тәкъдим ителгән проектның үзенчәлеге туризм өлкәсен үстерү, район халкының һәм кунакларның ялын оештыру җәһәтеннән бик кирәкле”, – дип билгеләде район хакимияте башлыгы, проектны хуплап. Инвестор үз проекты өчен уңайлы табигый шартлар белән кызыксынды. Авыргазы районын ул юкка гына сайламаган: аны төбәкнең ике эре шәһәр арасында, республиканың үзәгендә урнашуы һәм гүзәл табигате җәлеп иткән. Эшкуарга берничә урын тәкъдим ителде.