Илнең төп нигезе - ныклы гаиләләр!

Финалга чыгучылар арасында - Башкортстаннан 30 кешедән торган биш гаилә. Катнашучыларның яше 5 яшьтән 86 яшькә кадәр. Төп бүләк - торак шартларын яхшыртуга юнәлдерелгән 5 миллион сумлык 60 сертификат. Җиңүчеләрнең исемнәре Гаилә, мәхәббәт һәм тугрылык көнендә игълан ителәчәк.

Финалистларның төп өлеше (300 команда) округ ярымфиналлары нәтиҗәләре буенча формалашкан, тагын 30 гаилә 2025 елның ноябреннән 2026 елның маена кадәр дәвам иткән өстәмә онлайн-биремнәрне уңышлы үтәү нәтиҗәсендә финалга юллама алган.

«Русия – мөмкинлекләр иле» платформасының генеральный директоры Андрей Бетин ассызыклаганча, оештыручылар өчен конкурс – ул ярыш кына түгел, ә зур гаилә бәйрәме. Ул билгеләп үткәнчә, катнашучылар – уникаль кешеләр: алар арасында профессиональ династияләр вәкилләре (педагоглар, тимер юлчылар, табиблар, төзүчеләр, энергетиклар, хәрбиләр һәм чаңгычылар), туганнар һәм тәрбиягә бала алган балалар тәрбияләүче гаилә династияләре (бер командада алар 30дан артык), шулай ук ярты гасырдан артык бергә яшәгән парлар. Аның сүзләренчә, һәр гаиләне традицияләргә тугрылык һәм бер-береңә таяныч була белү берләштерә, һәм оештыручылар конкурс үрнәк алырлык гаиләләрне берләштерүенә шат.

Башкортстаннан финалда Дәүләтов-Садрисламовлар, Гыйззәтуллин-Черных, Зәйнуллин-Бакировлар, Копейкин-Никитин-Некрасовлар һәм Насыйбуллиннар династияләре чыгыш ясаячак. Икенче сезонда төбәктән барлыгы 4831 гаилә (16 392 кеше) катнашты.

5 июльдә тантаналы ачылыш Русия халыклары бердәмлеге елына багышлана: парад-йөреш, милли костюмнарда әйлән-бәйлән уйнау һәм төрле этнос ризыклары белән «Гастрономик Русия» фестивале планлаштырылган. Төп сынаулар 6-7 июльдә узачак - алар гаилә әгъзаларының эрудициясен, тапкырлыгын һәм командада бер-берсен аңлый һәм бердәм эшли белүләрен тикшерәчәкләр.