-13 °С
Болытлы
Барлык яңалыклар
Мәдәният һәм сәнгать
16 октябрь 2025, 19:51
Югары Яркәйдә сәләтле балалар осталыкларын күрсәтте
Илеш районы нәни шигырь сөйләүчеләре республикага мәхәббәтләрен шигырь юллары аша белдерде.
Югары Яркәйдә сәләтле балалар осталыкларын күрсәтте
Илеш районы Балалар иҗат үзәгендә “Башкортстан – горурланам синең данлы язмышың белән” дип аталган шигырь сөйләүчеләр конкурсы узды. Чара Республика көненә багышланып, нәниләрнең иҗади сәләтен һәм туган ягын ярату хисен күрсәтү максатыннан оештырылды.
Бәйгедә Балалар иҗат үзәгенә йөрүче мәктәпкәчә яшьтәге балалар катнашты. Алар туган як, республика, халкыбыз һәм аның матур табигате турында язылган шигырьләрне күңел җылысын салып, сәнгатьле итеп сөйләде. Җиңүчеләргә Мактау грамоталары һәм “Әллүки” журналы бүләк ителде. Шулай ук чарада катнашучыларга безнең редакциядә нәшер ителгән “Тулпар” һәм “Кызыл таң” гәзитләре дә таратылды.
“Балаларның чыгышы күңелгә үтеп керерлек булды. Аларның туган якка булган мәхәббәте һәр юлда, һәр сүздә чагылды”, — диде жюри әгъзалары.
Югары Яркәйдә сәләтле балалар осталыкларын күрсәтте
Новости партнеров