Төзекләндерүгә халык та битараф түгел

Бу хакта ул Хөкүмәттә узган атналык киңәшмәдә белдерде.

"2019 елдан министрлык Башкортстан Республикасында «Уңайлы шәһәр мохитен формалаштыру» федераль проектын гамәлгә ашыруның кураторы булып тора. Бу вакыт эчендә район һәм шәһәр хакимиятләре, Башкортстан шәһәрләрен һәм авылларын үстерү институты катнашлыгында 560 иҗтимагый территорияне төзекләндерү буенча чаралар үткәрде.

Проектларны уңышлы тормышка ашыру алдыннан һәрвакыт җәмәгать фикер алышулары үткәрелә, ә соңгы ике елда – төзекләндерү өчен территорияләр сайлау буенча электрон тавыш бирү дә. Ел саен шәһәр тирәлеге мәсьәләләрен хәл итүдә халыкның активлыгы арта, волонтерлар ярдәм итә. 2021 елда уздырылган беренче онлайн-тавыш бирүдә 387 мең кеше катнашса, үткән елда инде 560 меңнән артык кеше.

Республика ягыннан йөкләмәләрне тиешенчә үтәү, шул исәптән билгеләнгән максатлы күрсәткечләргә ирешү федераль финанслау күләмен максималь дәрәҗәдә сакларга мөмкинлек бирә. 2019 елдан федераль бюджеттан җәлеп ителгән субсидияләрнең гомум күләме 6,5 млрд сум тәшкил итте.

Быел без 122 объектны төзекләндерергә планлаштырабыз, шуларның яртысы (65 объект) - республика шәһәрләрендә.