«Башкортстан продукты» проекты дипломанты Бөтенрусия фестивалендә җиңде

«Башкортстан продукты» проекты дипломанты булган «Салават» ательесы VII Бөтенрусия «Заповедный сувенир» халык сәнгать кәсепләре фестивалендә җиңүче булды. Предприятие чигүле хатын-кызлар дубленкасы һәм баш киеме әзерләгән өчен «Сәнгать текстиле» номинациясендә беренче урынны яулады.

– Безнең «Башкортстан продукты» проекты дипломантлары тагын бер кат башкорт осталыгы һәм сыйфатының югары дәрәҗәсен раслады. Мондый абруйлы номинациядә җиңү — ателье өчен генә түгел, ә бөтен төбәгебезнең халык сәнгать кәсепләрен саклау һәм үстерү үзәге буларак танылуы да, – дип белдерде Башкортстанның сәүдә һәм хезмәтләр министры Константин Климин.

«Салават» ательесы – Уфаның табигый мех һәм күннән индивидуаль тегү, сувенир продукциясе ясау предприятиесе. 1967 елда нигез салынган ателье озак еллар буе үз юнәлешенә тугры калып, уникаль тәҗрибәсен һәм оригиналь кием һәм көнкүреш әйберләре коллекциясен тулыландыра.

«Иң яхшы сувенир» Бөтенрусия конкурсы фестивальнең төп вакыйгасы булды. Ярышта тугыз номинация тәкъдим ителде, аларда продукциянең экологиклыгы, креативлыгы, инновацияләре, иҗади якын килүе һәм концептуаль стилистикасы бәяләнде.

Автор фотосы