+27 °С
Ачык
Гәзиткә язылуVKOKTelegram
Барлык яңалыклар
Новости
11 октябрь 2014, 03:00

Безнең хезмәт – халык өчен!

— Бүген без күп еллар үз һөнәренә тугры булып, шул өлкәдә уңышларга ирешкән шәхесләрне бүләклибез, — диде Президент. — Алар әлеге катлаулы чорда әйдәп баручы, үрнәкле оста буларак, рес­публика үсешенә зур өлеш кертә. Безнең максат уртак — авырлыкларга карамыйча, кешеләр өчен яхшы яшәү шартлары булдыру.

Бүләкләнүчеләр арасында Чакмагыш, Әлшәй, Мәләвез районнарының хакимият башлыклары бар иде. Алар төбәк­тәге казанышлар, авыл хуҗа­лыгы үсеше һәм бу өлкәдә күрсәтелүче дәүләт ярдәменең нәтиҗәлелеге турында сөй­ләде. Дүртөйле районы хакимияте башлыгы урынбасары Дамир Биглов “Башкортстан Республикасының атказанган төзүчесе” исеменә лаек булды.
— Районда соңгы елларда социаль юнәлештәге торак программалары яхшы эшли, — диде ул. — Быел без социаль яклауга мохтаҗларга 50 фатирлы ике йорт төзедек, аның ачкычларын аерым бер канәгатьлек белән тапшырабыз.
“Уфа трикотажы” җәмгыя­тенең генеральный директоры Римма Сафина Башкортстан Республика­сының Мактау грамотасына лаек булды.
— Башлыча хатын-кызлардан торган коллективта тәртип һәм пөхтәлек хакимлек итә, — диде ул. — Безнең баш­лангычлар, яңа идеяләребез күп. Бу җәһәттән республика җитәкчелеге ярдәмен һәрдаим тоябыз һәм ил­һамланып эшлибез.
Республикада игълан ител­гән Мәдәният елында бу өлкәнең алдынгы хезмәткәр­ләре аеруча зур рухи күтәрен­келек кичерә. Композитор Нур Даутов Салават Юлаев исемен­дәге Дәүләт премиясенә лаек булды.
— Безнең хезмәт илһамга бәйле, ә ул республикага кирәк­легеңне, файдалы булуыңны тоюдан килә, — диде ул. Аның сүзләрен шундый ук югары бүләккә лаек булган язучы Галим Хисамов та куәтләде.
Читайте нас: