+19 °С
Болытлы
Гәзиткә язылуVKOKTelegram
Барлык яңалыклар
Новости
21 октябрь 2014, 20:43

Фәнгә таянучы илнең киләчәге якты

Хөкүмәт йортында бер төркем яшь галимнәргә Русия Федерациясе Президенты грантлары тапшырылды.Икътисади яктан алга киткән илләрдә фәнне үстерүгә, аңа яшьләрне җәлеп итүгә җитди игътибар бирелә. Бу юнәлештә Русиядә дә күп эш башкарыла. Әйтик, илнең яшь галимнәренә дәүләт ярдәме күрсәтү максатында Русия Федерациясе Президенты грантлары тапшырыла. Аңа 40 яше тулмаган галимнәр дәгъва итә ала.

— Илнең дөньяда тоткан урынын фән, технология­ләрнең, мәгарифнең үсеш дәрәҗәсе билгели, — диде Хөкүмәт Премьер-министры урынбасары Дмитрий Шаронов бүләкләү тантанасында. — Кызганычка каршы, әлегә фән җитештерү белән тыгыз бәй­ләнештә тормый. Фәнни эш­ләнмәләр белән бизнесның, инвесторларның да кызыксы­нуы мөһим. Бөтен техно­логияләрне дә чит илдән сатып алу дөрес түгел. Инновацияләр, яңа эшләнмәләр, техноло­гияләр өчен үзебездә тиешле шартлар тудырырга кирәк. Бу мөкатдәс эшкә сез зур өлеш кертәсез. Статистика мәгъ­лүматларыннан күренүенчә, мөһим фәнни ачышларны яше кырыктан узмаган галимнәр ясый. Яшь галимнәр үзен­чә­лекле фикер йөртә, зур ачыш­ларны нәкъ алардан көтәләр. Мөгаен, киләчәктә дә сынат­мас­сыз һәм төбәк үсе­шенә хез­мәт итәрсез. Уңышлар сезгә!
Җиңүчеләрне Башкортстан Республикасы буенча федераль инспектор Николай Раз­бежкин тәбрикләде.
Грантка лаек булган яшь галим Нәүфәл Заһидуллин 37 яшендә зур казанышларга ирешеп өлгергән. Медицина фәннәре докторы, Башкортстан дәүләт медицина уни­вер­си­тетының эчке авырулар пропедевтикасы кафедрасы профессоры ул. Германиянең Кельн шәһәрендә ике ел тәҗрибә туплап кайткан. Фәнни эшенең үзенчәлекләре турында түбән­дәгеләрне сөйләде:
— Йөрәк тибеше ешаю — авыру билгесе, — ди Нәүфәл Шамил улы. — Фәнни эшем мондый үзгәрешләрнең сәбә­бен ачыклауга һәм авыруны нәтиҗәле дәвалауга багышланган. Грант исәбенә эз­ләнүләремне дәвам итә­чәкмен.
Әйткәндәй, унбер өлкә буенча җиңүчеләр ачыкланган. Конкурска кандидатлык диссертациясе темалары белән бәйле эшләр дә кабул ителгән. Яшь фән докторларына – бер миллион, фән кандидатларына 600 мең сум күләмендә грантлар тапшырылды. Галимнәр бу акчаны фәнни эзләнүләргә, тикшере­нүләргә һәм тәҗри­бәләргә генә юнәлтә ала.
Тантаналы чара бергәләп фотога төшү белән тәмам­ланды.
Читайте нас: