+20 °С
Болытлы
Гәзиткә язылуVKOKTelegram
Барлык яңалыклар
Новости
30 октябрь 2014, 21:26

Хезмәт батырлары яшьләргә үрнәк булсын!

Президент Рөстәм Хәмитов бер төркем фидакарьләргә Русиянең һәм Башкортстанның дәүләт бүләкләрен тапшырды.— Бу бүләкләр — сезнең фидакарь хезмәтегезнең татлы җимешләре. Гомер буе тир түгеп, республиканың данын арттыручыларга тыйнаклык хас. Киңкүләм мәгълүмат чараларында да алар турында ни өчендер сирәк языла. Ә бит алар үсеп килүче буынга үрнәк булырга тиеш. Башкортстанда хезмәт кешесенең дәрәҗәсе гел югары булды, ул данланды һәм данланачак, — диде Рөстәм Зәки улы.

антана Русия Президенты указлары нигезендә бүләк­ләүләрдән башланды. Дүрт кеше “Ватан алдындагы хез­мәтләре өчен” орденының II дәрәҗә медаленә лаек булды. Алар арасында “Үзәк” машина-технология станциясенең Чакмагыш филиалы тракторчысы Рифат Тәмимдаров белән Дүртөйле районының Киров исемендәге хуҗалыгы терлек­чесе Гүзәлия Шәрипова да бар иде. Әйткәндәй, Гүзәлия Фә­вәрис кызының бу — өченче дәүләт бүләге.
Республика клиник дәваха­нәсенең бүлек мөдире Әмир Хәмитовка “Русия Федерация­сенең атказанган табибы” исеме бирелде.
— Мин шуңа бәхетле: ме­дицина өлкәсендә зур үзгәрешләр бара. Элек-электән Русия табиблары дөньяда иң яхшылардан исәпләнде. Ләкин соңгы елларда яңа техно­логияләр артыннан өлгерә алмый җәфаландык. Шөкер, дәүләт ярдәме белән хәзер югары технологияләр үзләш­терүдә дә уңышларга ирештек. Әйтик, хирургиянең тиз үсе­шендә Русия һәм Башкортстан хөкүмәтләре өлеше зур, аларга зур рәхмәт,— диде Әмир Аеткул улы.
Русия Авыл хуҗалыгы фәннәре академиясенең Баш­кортстан фәнни-тикшеренү институты бүлек мөдире Гайникамал Зарипова “Русия Федерациясенең атказанган авыл хуҗалыгы хезмәткәре” исемен йөртәчәк.
— Тормышыбыз елдан-ел күркәмләнә, авыл хуҗалыгы матур үзгәрешләр кичерә, предприятиеләрнең керемнәре арта, социаль өлкә ныгый, халыкның тормыш сыйфаты яхшыра. Моның өчен без, һич­шиксез, республика җитәк­че­легенә рәхмәтле. Бу уңыш­ларда безнең коллек­тивы­бызның да өлеше бардыр, дип өметләнәм, — диде ул.
Унбер кеше республиканың Мактау грамотасына лаек булды. Шуларның берсе Чакмагыш районы хакимиятенең гомум сектор мөдире Әфгать Шәй­хиев. Әфгать Нигьмәтулла улына бу көнне 60 яшь тулу уңаеннан Президент аңа кыйммәтле кул сәгате дә бүләк итте.
Читайте нас: