+21 °С
Болытлы
Яңалыклар
13 декабрь 2014, 17:26
Хезмәттәшебезгә — Татарстанның югары исеме
Шушы көннәрдә Казанда үткән “Татарстанның эшлекле хезмәттәшләре” дигән форумда Русиянең 57 төбәгеннән һәм 25 чит илдән (шул исәптән Австралия, Кытай, Төркия, Латвиядән) 600 татар эшкуары катнашты. Алар дөньяга сибелеп яшәүче милләттәшләребезне саклап калу гына түгел, матди һәм рухи ихтыяҗларын канәгатьләндерү юнәлешендә дәүләт һәм бизнес оешмалары башкарган һәм башкарачак эшләр турында фикер алышты, тәҗрибә уртаклашты.
Татарстан Президенты Рөстәм Миңнеханов бу чарада ясаган чыгышында болай диде: “Бүгенге көндә без Русиядә сан ягыннан икенче урында торучы милләт. Үзебезнең татар булуыбызны әйтү оят түгел. Әлеге вакытта Татарстан һәм татар милләте югары дәрәҗәдә тора дип уйлыйм”.
Г. Камал исемендәге Татар дәүләт академия драма театрының зур залында үткән форумны йомгаклаганда Рөстәм Нургали улы татар мәдәниятен саклап калуга һәм үстерүгә зур өлеш керткәннәре, күпьеллык нәтиҗәле хезмәтләре өчен биш милләттәшебезгә — Русия, Үзбәкстан, Кыргызстан вәкилләренә югары исемнәр бирелү турында таныклыклар тапшырды. Шул бишәүнең берсе — “Кызыл таң”ның әдәбият һәм сәнгать бүлеге мөдире Фәрит Фаткуллин “Татарстан Республикасының атказанган мәдәният хезмәткәре” исеменә лаек булды.
Матбугатта — 43 ел, шул исәптән “Кызыл таң” гәзите редакциясендә төгәл 40 ел эшләүче өлкән каләмдәшебезнең татарның данлы шәхесләре турындагы фәһемле язмалары, үзебездән тыш, Казанда нәшер ителүче гәзит, журнал, китапларда да басылып тора. Әйткәндәй, ике ай элек кенә ул “Татар милләтенә күрсәткән олы хезмәтләр өчен” медале белән бүләкләнгән иде.
Г. Камал исемендәге Татар дәүләт академия драма театрының зур залында үткән форумны йомгаклаганда Рөстәм Нургали улы татар мәдәниятен саклап калуга һәм үстерүгә зур өлеш керткәннәре, күпьеллык нәтиҗәле хезмәтләре өчен биш милләттәшебезгә — Русия, Үзбәкстан, Кыргызстан вәкилләренә югары исемнәр бирелү турында таныклыклар тапшырды. Шул бишәүнең берсе — “Кызыл таң”ның әдәбият һәм сәнгать бүлеге мөдире Фәрит Фаткуллин “Татарстан Республикасының атказанган мәдәният хезмәткәре” исеменә лаек булды.
Матбугатта — 43 ел, шул исәптән “Кызыл таң” гәзите редакциясендә төгәл 40 ел эшләүче өлкән каләмдәшебезнең татарның данлы шәхесләре турындагы фәһемле язмалары, үзебездән тыш, Казанда нәшер ителүче гәзит, журнал, китапларда да басылып тора. Әйткәндәй, ике ай элек кенә ул “Татар милләтенә күрсәткән олы хезмәтләр өчен” медале белән бүләкләнгән иде.
