-10 °С
Болытлы
Гәзиткә язылуVKOKTelegram
Барлык яңалыклар
Новости
18 март 2015, 21:30

Уфа — халыкара тәҗрибә үзәге

Быелгы күргәзмәдә Кытай җитештерүчеләре дә катнаша.Кичә башкалабыз Уфаның “ВДНХ-ЭКСПО” комплексында традицион ХХV халыкара “АгроКомплекс-2015” күр­гәз­мәсе ачылды. 20 мартка кадәр дәвам итә­чәк ил әһәмиятендәге әлеге форумны ачу тантанасында Башкортстан Хөкүмәте Премьер-министры урынбасары Илдар Ти­мергалин, Дәүләт җыелышы-Корылтай Рәисе урынбасары Франис Сәйфуллин, Русия Авыл хуҗалыгы министрлыгы департаменты директоры урынбасары Павел Бурак, республика авыл хуҗалыгы министры Николай Коваленко, төрле ми­нистрлык һәм ведомстволар, пред­прия­тие җитәкчеләре катнашты.

“АгроКомплекс” — Башкортстанда бер­дәнбер һәм Русиядәге иң зур агросәнәгать форумы булып тора. Чирек гасыр дәвамында үткәрелүче әлеге чара, Русия чикләрен узып, ха­лыкара танылу алды. Быел би­редә илнең 32 төбәгеннән 250дән артык ком­пания төрле юнәлештәге экспозицияләрдә яңа авыл хуҗалыгы техникалары үрнәген, заманча технология һәм проектлар тәкъдим итә. Казахстан, Голландия, Польша, Германиянең билгеле компанияләре дә халыкара форумда ихлас катнашырга теләк белдерде. Күргәзмә кысаларында, шулай ук, беренче тапкыр Кытай җитештерүчеләренең катнашуы да игътибарны җәлеп итә.
Читайте нас в