+19 °С
Яңгыр
Гәзиткә язылуVKOKTelegram
Барлык яңалыклар
Новости
20 Май 2015, 19:52

Безнекеләр булдыра!

Бөтендөнья татар конгрессы башкарма комитеты “Ак калфак” татар хатын-кызлары оешмасы белән берлектә “Татар хатын-кызларының җәмгыятьтәге роле” дигән темага иҗади бәйге игълан иткән иде. Бәйгегә Татарстаннан, Русия төбәкләреннән һәм чит илләрдән 200дән артык эш тәкъдим ителгән.

Хезмәттәшебез, әдәбият-сәнгать бүлеге хәбәрчесе, филология фәннәре кандидаты, язучы Ләйсән Кәшфиева әлеге бәйгедә “Тәмугта яшәүче хатыннар” дигән язмасы белән катнашып, эссе номинациясендә беренче урын алды һәм Бөтендөнья татар конгрессы башкарма комитетының Рәхмәт хатына лаек булды.
Хезмәттәшебезне бу олы җиңүе белән котлыйбыз һәм аңа алдагы көндә дә көчле илһам канатлары, үткен каләм, укучының йөрәгенә барып ирешә торган кыю, җете фикерле язмалар һәм иҗат уңышлары, сәламәтлек, иминлек телибез.
Читайте нас: