+21 °С
Болытлы
Яңалыклар
25 ноябрь 2015, 16:28
Сәфәрләрдә имин йөреп, сау-сәламәт кайтыгыз!
Благовар районында М-5 “Урал” автомагистраленең яңа участогы файдалануга тапшырылды.Федераль юл агентлыгының “Самара – Уфа – Чиләбе” автомобиль магистрале идарәсе” казна учреждениесе карамагында Татарстан һәм Башкортстан республикалары, Ырынбур өлкәсе аша үтүче 901 чакрым юл исәпләнә. Шушы көннәрдә автомагистраль Благовар районы биләмәсендә реконструкциядән соң файдалануга тапшырылган 9,4 чакрым юл белән тулыланды.
М-5 “Урал” автомобиль юлының 1375-1401 чакрымнардагы өлешенең беренче чиратын файдалануга тапшыру уңаеннан тантана оештырылды. Бу аңлашыла да, чөнки хәзерге чорда юл төзелешенә, зур гына чыгымнар белән беррәттән, ярыйсы гына вакыт та таләп ителә. Атап әйткәндә, әлеге участокны яңарту өчен 1,7 миллиард сум акча тотынылган, бу эшләрне башкарып чыгу өчен 3 ел кирәк булган.
Истәлекле вакыйгага багышланган чара Топоринка авылы янындагы юлүткәргечтә оештырылды, анда “Росавтодор” агентлыгының “Самара – Уфа – Чиләбе” идарәсе җитәкчелеге, республиканың Транспорт һәм юл хуҗалыгы дәүләт комитеты, юл күзәтчелеге белгечләре, төзүчеләр катнашты.
– Юлның бу участогына реконструкция үткәрү зарурлыгы күптән туган иде, – диде автомагистраль идарәсе начальнигының беренче урынбасары Александр Федотов. – Ни өчен дигәндә, элекке юлның транспорт үткәрү мөмкинлеге чикле булу сәбәпле, әлеге төбәктә автоаварияләр саны артты, гомумән, биредә юл хәрәкәте шактый хәвефле иде. Шуңа да хәлне тамырдан үзгәртү таләп ителде.
Истәлекле вакыйгага багышланган чара Топоринка авылы янындагы юлүткәргечтә оештырылды, анда “Росавтодор” агентлыгының “Самара – Уфа – Чиләбе” идарәсе җитәкчелеге, республиканың Транспорт һәм юл хуҗалыгы дәүләт комитеты, юл күзәтчелеге белгечләре, төзүчеләр катнашты.
– Юлның бу участогына реконструкция үткәрү зарурлыгы күптән туган иде, – диде автомагистраль идарәсе начальнигының беренче урынбасары Александр Федотов. – Ни өчен дигәндә, элекке юлның транспорт үткәрү мөмкинлеге чикле булу сәбәпле, әлеге төбәктә автоаварияләр саны артты, гомумән, биредә юл хәрәкәте шактый хәвефле иде. Шуңа да хәлне тамырдан үзгәртү таләп ителде.
